Entries from January 2019 ↓

Некалькі дзён таму на ютубе з’явілася відэа “Беларусь в составе России? Соцопрос. Что белорусы думают об этом?”. І яно б, пэўна, прайшло міма маёй увагі, каб незалежніцкія рэсурсы не сталі яго актыўна піярыць, у тым ліку ў алармісцкім ключы: “СМОТРИТЕ ЧТО ДУМАЮТ ЛЮДИ, УЖАС, КУДА МЫ КАТИМСЯ!”. У выніку яно за 3 дні сабрало 1 млн 11 тыс праглядаў.

Відэа яўляе сабой апытанку на вуліцах Мінска, у якой людзі, асабліва моладзь, масава выказваецца ў падтрымку далучэння Беларусі да Расіі. Само відэа я тут намерана не стаўлю, каб не піярыць. Пакінем за дужкамі, што яно не мае нічога агульнага з сацыялогіяй. Галоўнае, яно з’яўляецца чарговым эпізодам інфармацыйнай вайны, якраз у тым стылі, пра які я пісаў раней. Гэтае відэа – не шчырая спроба разабрацца і нават не спроба другараднага ютубера хайпануць на гучнай тэме. Гэта мэтанакіраваная інфармацыйная аперацыя РФ. Абгрунтоўваю чаму:

1. Тэндэнцыйная падборка рэспандэнтаў. Стваральнікі імкнуліся паказаць, што людзі РОЗНЫХ узростаў – за аб’яднанне з РФ. Намерана пададзена некалькі галасоў супраць, каб не выглядала як яўны фэйк. Не, вядома, у Беларусі хапае ватнікаў. Але ніколі не паверу, што на вуліцах Мінска іх будзе так шмат. Агульнавядомы факт, што людзей саўковага складу болей у правінцыі. Дык вось, глядзіце на апытанку, якую зрабіў Андрэй Павук на вуліцах г.п. Акцябрскі . Нават там пераважная большасць – за незалежнасць. З чаго раптам у Мінску галасоў на карысць аб’яднання з РФ будзе болей, чым у Акцябрскім?

2. Сама пастаноўка пытання: “Далучыцца да Расіі лепей у палітычным ці эканамічным плане?” – апрыёры мае на ўвазе, што аб’яднанне нясе адразу НЕКАЛЬКІ станоўчых наступстваў, прытым у розных сферах.

3. Дробязь, але тым не меней. Звярнуў тэгі, якія прастаўленыя ў відэа: “#беларусь #россия #путин”. Пуцін. А чаму ж не Лукашэнка, калі відэа пра Беларусь і Расію?

4. У каментарыях – поўчышчы крэмлеботаў. Нават улічваючы правакацыйнасць відэа – ЗАНАДТА шмат праглядаў (для беларускага кантэнту 1,011 млн за 3 дні гэта нерэальная лічба). Відавочная накрутка альбо мэтанакіраваны піяр. І сапраўды, відэа хутка было раскідана па ватных форумах і пабліках. Лахтінскія тролі яўна былі адпраўленыя туды з метадычкай і заданнем.

5. І, зрэшты, звярнем увагу на сам канал, што за гэта запосціў. Каналу каля чатырох год. Абсалютна ўсе відэа да гэтага – забаўляльны кантэнт. Агляды на матацыклы, падарожжы, “Как КРУТО снимать видео на мобильный телефон”, “БЕШЕНЫЙ ДЕД МОРОЗ ДЕЛАЕТ ДВИЖ В ГОРОДЕ” і таму падобнае. І тут раптоўна аўтару канала, 22-гадоваму Степану Пракопчыку з Ліды, навучэнцу палітэхнічнага інстытуту ў Гданьску, робіцца вельмі цікавая вострапалітычная тэматыка.
Вы скажаце – ну, магчыма, хлопец вырашыў хайпануць, падняць сабе праглядаў на папулярнай тэме. Выдатна, але ж дзе ён быў, калі ішлі дармаедскія пратэсты, калі людзей хапалі за флэшмобы за гарадавога, калі ў Брэсце людзі выходзілі супраць акумулятарнага заводу? Сумяшчальныя – для беларускай аўдыторыі – падзеі. Аднак іх ён праігнараваў. Тэма ж уз’яднання з Расіяй яго “зацікавіла” менавіта зараз.

Што яшчэ больш цікава, пагугліўшы, знайшоў яго сумеснае відэа гэтага Пракопчыка (зробленае за 3 тыдні да апытанкі ў Беларусі) з іншым трэвэл-влогерам. Удвох яны ходзяць па вуліцах Гданьску і пытаюцца палякаў, што тыя думаюць аб украінцах. Пры гэтым задаючы правакатыўныя пытанні і падбіраючы максімальна вострыя адказы. Дзіўна, яшчэ адзін трэвэл-блогер, які РАПТОЎНА зацікавіўся палітыкай! Адзначу, гэтая правакацыя таксама была названая словам “соцопрос”.
Для тых хто не ў тэме, паясню: ўяўная “варажнеча” палякаў і украінцаў – адна з любімых тэмаў ватнай прапаганды. Воінаў гібрыднага фронту ўжо не раз лавілі на правакацыях з мэтай распаліць межнацыянальную нянавісць у гэтым напрамку.

Сумуючы ўсе вышэй сказанае, што бачу я: крэмлёўскія паліттэхнолагі, у рамках інфармацыйнай вайны падкацілі да другараднага відэаблогера з прапановай, ад якой ён не змог адмовіцца. Зрабі тое і тое. У нас свой інтарэс, а табе – хайп, падпісчыкі і грошы. Мэта – трымаць ідэю “уз’яднання” у фокусе грамадскай думкі, працягваць прапіхіваць міф аб тым што бОльшая частка беларусаў гэтага жадае.

Самае кепскае што кручок праглынулі незалежныя СМІ. Таму будзьце ўважлівыя, захоўвайце спакой і памятайце, што лёс Беларусі ў рэшце рэшт вырашае не пуцін і лука, а мы самі.

Дасведчаным вокам чытача англамоўных фэйсбукаў раглядзеў у фільме: сексізм, гамафобію, расізм, слатшэймінг, аб’ектывацыю жанчын, мізагінію, фэтфобію, культурную апрапрыяцыю. Дзіўна яшчэ як у ЗША фільм не забаранілі пад ціскам “прагрэсіўнай грамадскасці” ))

А раней жа глядзелі і не парыліся…

“В отличие от человеческого разума человеческая власть не только «робка и осторожна», если предоставлена самой себе; она попросту не существует без поддержки других. Самый могущественный ко­роль и последний из тиранов бессильны, когда никто не пови­нуется им, то есть не поддерживает путем повиновения, ибо в политике повиновение и поддержка – одно и то же.”

Ханна Арендт. О революции.

Прыслана падпісчыкам

A year passed since the English version of “The colours of the parallel world” was issued!

Now it is available for purchase in Dresden, Praha, Helsinki and Geteborg (https://radicalbook.tilda.ws/books). And also available for download here: https://radicalbook.tilda.ws/colours. And once again I say thank you to to all who participated in translation, editing and publishing!

Чулі ўжо, што група “Тяни-толкай” (айчынные спявакі ротам, у рэпертуары якіх прысутнічаюць дыфірамбы мусарам) адзначыліся удзелам у тэлевізійным шоў у курапацкім Бульбаш-холе? У шэрагу астатніх актывістаў я падтрымаў публічны байкот гэтай групы, размясціўшы ў ФБ допіс з іх тэлефонамі і кантактамі.

І тут што вы думаеце? Мне напісаў іхні гукарэжысёр Аляксандр Каляда з пагрозамі напісаць на мяне заяву ў міліцыю – за тое што я выклаў у сябе на старонцы ягоны тэлефон (апублікаваны ў адкрытым доступе).

У далейшай размове ён завяраў, што у Бульбаш-холе яго не было і ўвогуле гэта быў не выступ а інтэрв’ю. Я прапанаваў яму напісаць на сваёй старонцы адкрыта, што яго там не было і ён не лічыць наведванне такіх установаў нормай – тады прыбяру ягоны тэлефон. Не хоча. Ну і ладна.

п.с. у мяне ў галаве не змяшчаецца як у жыцці можна корчыць з сябе мужыка-мужыка, а пабачыўшы свой нумар у чужым фэйсбучыку, на злом галавы бегчы ў мянтоўку. Дзе элементарная годнасць? Няўжо не сорамна, што ты ўжо без мянтоў абараніць сябе не можаш?

Ну а званіць тады ўжо трэба абавязкова, пытанне прынцыпу 🙂

Пакуль не пачалася 25-я серыя, быў гатовы паставіць Евангеліон у шэраг лепшых анімэ-серыялаў якія глядзеў, роўненька побач з “Эльфійскай песняй”. Аднак апошнія дзве серыі сапсавалі гэтыя планы. Тым не менш, раю для прагляду. Класіка!
_______________
Until the episode 25 started, I was about to put Neon Genesis Evangelion on a stand with the best anime-seires I have ever watched. Just along with Elfen Lied. But the last two series spoiled this plan. Nevertheless, strongly advice it to you. That’s classic!