Entries Tagged 'Відэа' ↓

Радыё Свабода ўсё ж зрабіла агляд беларускамоўных блогераў. Рэспект ім за гэта! Я на пятым месцы (хаця адпачатку быў упэўнены што мяне не ўключаць 🙂 Малайцы, што дапамагаюць нам фарміраваць сваю медыя-прастору. Усе б незалежныя СМІ так рабілі!

Радыё Свабода разжоўвае, чаму ў ютубе так мала беларускамоўнага кантэнту.

Спойлер: ён ёсць але вы яго проста не бачыце. І кантэнтмэйкераў хапае, але алгарытмы ютуба заточаныя пад культурны імперыялізм

(дарэчы ў каментах Свабода абяцала на гэтым тыдні зрабіць агляд беларускамоўных блогераў. Паглядзім ці спраўдзяць абяцанне).

Стрым 16.02.2020

#radixbel

Учорашні стрым перазаліты і выразана ўсё лішняя, што стварылася падчас падвісанняў і іншых праблемаў.
Калі вы яшчэ не паспелі паглядзець яго, то глядзіце гэтую версію, зэканоміце час. Здаецца, зараз я зразумеў, чаму дзесці на саракавой хвіліне трансляцыя пачынае падвісаць.

Настойліва, катэгарычна рэкамендую прайсці па спасылках у апісанні і ўважліва прачытаць усё, што там есць. Гэта мега-важная інфармацыя для актывістаў, фактычна – правілы, напісаныя крывёю.

Стрым 16.02.2020

#radixbel

У гэтую нядзелю – наш рэгулярны стрым. Галоўная тэма – рэпрэсіі супраць анархістаў у Расіі і Беларусі, тое што хвалюе зараз найбольш мяне і маіх паплечнікаў.
Пагаварым аб тым, чаму анархістаў, якіх і так мала, на волі робіцца ўсё меней, і што трэба ПАЧАЦЬ УЖО УРЭШЦЕ РАБІЦЬ каб не трапляць за краты (прынамсі ў такой колькасці).
Вельмі раю прысутнічаць падчас стрыму ўсім маладым таварышам, анархістам з розных груп і ініцыятываў – буду дзяліцца досведам і сваім разуменнем таго што адбываецца. А вы зможаце падзяліцца сваім.

У другой частцы стрыма пагаворым пра “выбары” – чаго даб’ецца на іх апазіцыя і якія могуць быць альтэрнатывы заплесневелым стратэгіям 25-гадовай даўніны.

Exarchia

The Athens Exarchia dictrict considered to be a stronghold of the anarchists. It is a space, where squats are standing one by one, and cops try to avoid getting there. It used to be like that for decades, but last few month a government started a large-scale attack on this ungoverned enclave.

On a video Greek comrade says briefly, what is the case, and shows that the spirit of the Athens anarchists is far from being broken.

/ / / / /

Афінскі раён «Экзархія» лічыцца аплотам анархістаў. Гэта месца, дзе сквот стаіць на сквоце, а паліцыя стараецца лішні раз туды не заглядаць. Так было дзесяцігоддзямі, але апошнія некалькі месяц урад пачаў буйнамаштабную атаку на гэты непадкантрольны анклаў. На відэа таварыш з Грэцыі коратка кажа, у чым справа і сведчыць аб тым, што дух афінскіх анархістаў — не зламаць.

У нядзелю ўвечары ізноў стрымім!

#radixbel
 
Прыблізныя тэмы:
– Небывалы прэсінг блогера Шэрага Ката (Зміцера Казлова). Ці чакае гэта нас усіх?
– Лукашэнка аб’явіў Усебеларускі народны сход. Навошта? І чаму менавіта зараз?
– За кратамі адыёзны ГУБАЗавец і дырэктары ўсіх цукровых заводаў. Чыстка перад выбарамі? Разбіраемся
 
Па вашым жаданні абмяркуем і іншыя тэмы.
 
Пачатак: 20.00 па Мінску, 2 лютага.

Выбары

Ня так даўно напісаў пра ганебныя “праймерыз”, якія задумала нашая апазіцыя. Вось яшчэ адзін якасны разбор гэтай зацеі, і файныя пытанні зададзеныя па фактах. Вельмі раю паглядзець. Працягласць – 11 хвілін. Толькі байкот гэтага ўбогаг спектаклю пад назвай “прэзідэнцкія выбары” можна назваць імкненнем да пераменаў. Усё остатняе – калабаранцтва і падман людзей.

 

Блаславі мяне ў гэтым цудоўным свеце! (Kono Subarashii Sekai ni Shukufuku wo!, альбо проста Канасуба), 2016

На апошнім стрыме мяне прасілі каб рабіў болей аглядаў анімэ. Я б з радасцю, але нажаль няма столькі часу, каб глядзець анімэ ў жаданай колькасці 🙂

Апошняе што я зацаніў – вышэйназваны серыял. Сюжэт – дужа нешаблонны. 16-гадовы хікан з Японіі выпадкова гіне на вуліцы. Трапляючы ў загробны мір, сустракае багіню, якая прапануе яго перарадзіць і адправіць у іншы сусвет. З сабой ён можа ўзяць толькі адну рэч. У якасці гэтай рэчы ён абірае ўзяць… тую самую багіню. Яны адпраўляюцца ў сусвет, які па факту зьяўляецца RPG-шкай і там пачынаюцца іхнія прыгоды.

Можа і не самае глыбокадумнае анімэ якое я глядзеў, але дакладна самае вясёлае. Два сезоны паглядзеў на адным дыханні.

А трапіўся мне на вочы серыял, таму што яго пераклаў AniBel. Вельмі раю зацаніць, выдатна разгружае мозг 🙂

#radixbel

Без аніякіх уступаў. Я проста хачу, каб вы паглядзелі гэтае відэа да канца. Працягаласць – 7 хвілін.

#radixbel

Палітаналізы

На адной з перадач Рудабельскай паказухі распавёў пра акцыю Глеба Ціханчука (гэта той які падпаліў міліцыю ў Верхнедвінску ў навагоднюю ноч). Якой была матывацыя хлопца і што давяло яго да такога ўчынку.

Ну і ўсім раю падпісацца на Рудабельскую паказуху, калі што, я там даволі часта 🙂