Entries from April 2019 ↓

Даўно хацеў пракаментаваць гэты тэкст, ды ніяк рукі не даходзілі

Сям’я, сутыкнуўшыся з несправядлівасцю з боку дзяржавы, вырашыла змяніць лад жыцця, пераехала на вёску і звяла кантакты з уладай да мінімуму. Зараз жывуць натуральнай гаспадаркай, самаадукоўваюцца і даюць інтэрвью журналістам.
Заўсёды натхняюць вось такія прыклады стыхійнага анархізму сярод людзей. Лічу вельмі важным што людзі, нават не маючы навуковых ступеняў і не падпісваючыся пад аніякія палітычныя двіжухі, змаглі зрабіць выснову: «государство — форма организованного насилия над человеком». Змаглі яны – змогуць і іншыя.

Затрыманне Ўцюрына – моцны сігнал для ўсей эліты

Уцюрын – адзін з самых верных служкаў Лукашэнкі, які з працаваў у СБП з 1995 года. З кагорты тых хто “выполнит любой приказ” і брывёю не павядзе.

Можна толькі здагадвацца, якая сапраўдная прычына затрымання. Гэта дакладна не “барацьба з карупцый” (ценявымі грашовымі плынямі на такім дзяржузроўні пранізана ўсё, і ўсё ўзгоднена з кім трэба), гэта тэктанічныя зрухі ў раскладзе кіруючай клікі. Прыкладна тое ж самае, як арыштавалі б Шэймана ці Навумава.

Некаторыя пішуць што сапраўднай прычынай сталі “цесныя сувязі з РФ”. Я думаю гэта, прынамсі пакуль, выдаванне пажаданага за наяўнае. У такіх колах куды больш частай прычынай вайны з’яўляюцца фінансавыя справы. І яшчэ – у мяне няма адчування што Ўцюрын сядзе ўсур’ёз і надоўга. Хутчэй гэта арышт-сігнал, арышт-эмацыйны жэст.

Недатыкальных няма. Чыста сталінскі падыход да кадраў у Аляксандра Рыгорыча.

Анархисты в Рожаве

Отличное видео о воинах-добровольцах из США и Европы, которые сражаются в Сирийском Курдистане (Рожаве) на стороне SDF (Сирийских демократических сил). С начала войны в Рожаве, в боях против ИГИЛ и турецкой армии погибло не менее десятка анархистов. Последним, в марте, был итальянец Лоренцо Орсетти.

У видео есть русские субтитры, не забудьте включить.

Нечакана, кожны мой відос з серыі “Анархія проста” набірае больш праглядаў чым папярэдні. Чацьверты выпуск, аб тым як пры анархізме будуць размяркоўвацца рэсурсы, за тыдзень сабраў сукупна больш за 2000 праглядаў!

У стужцы сацсетак вы можаце прапусціць новае відэа. А вось падпісаўшыся на канал і паставіўшы званочак – не прапусціце. То падпісвайцеся!

 

Тэракт як нагода для цэнзуры

Назіраю за наступствамі расстрэлу мусульман у Новай Зеландыі. Пакуль толькі з таго, што ляжыць на паверхні:

1. Медыі ўзмоцнена настройваюць грамадскую думку супраць іміджбордаў і культуры мемаў. На новазеландскіх ТБ-шоў усур’ез абмяркоўваюць пасты на 4chan. Ну гэта як, прыкладна, па “Беларусь-1” абмяркоўвалі б змест тэлеграм-чатікаў.

2. Facebook змяніў правілы трансляцыі. Зразумела, ў бок ўзмацнення.

3. Новая Зеландя забараніла паў-аўтаматычную зброю. Гэта ўвогуле шык! Класічная логіка: воўк забіў трох авечак з дапамогай зубоў. Авечкі вырашылі: трэба нам павырываць сабе зубы, для нашай жа ўласнай бяспекі.

4. Такая дробязь, але сімвалічная: песню Remove Kebab, пад якую да мячэці ехаў стралок… удалілі з ютуба, а таксама заблакавалі гэты запыт – зараз ютуб у пошукавіку не падбірае яго аўтаматычна.

Цікава, а калі б ён ехаў пад Вагнера – забаранілі б Вагнера? Я не здзівіўся б.

Такім чынам, Беларусь і Расія не з’яўляюцца першапраходцамі ў справе карыстання тэрактаў для узмацнення кантролю. Ліберальныя рэжымы спраўляюцца з гэтым нічым не горш. І наратыў паўсюль аднолькавы: “гэта дзеля вашай жа бяспекі!

Interview to “Die Wochenzeitung”

[ENGLISH FOLLOWS]

Даў інтэрвью швейцарскай газеце “Die Wochenzeitung”. Распавёў пра пераслед анархісцкага руху ў Беларусі, пра дзейсныя ініцыятывы, і, вядома, пра тое, як нашая ўлада рыхтуецца да еўрапейскіх гульняў. Гугл-перакладчык даставіў неймаверна:

“Добрый Николай Дзядок, будет выброшен или подарок за неделю до чемпионата анархист”
“Те, кто не вписался в желаемый городской пейзаж, высадились на самоуправления и без иерархической организации в тюрьме.”

\ \ \ \ \

Interview with me, published in “Die Wochenzeitung” (Switzerland). Topics: repressions against anarchist movement in Belarus, active anarchist initiatives and how our authority is preparing to European games – by expelling students from dormitories and imprisonment of political activists.

#boycott_eg_2019
#minsk2019
#europeangames

 

У лес, дзе мільгацяць светлячкі (2012)

Я з тых людзей, якім заломна глядзець доўгі фільмы, за рэдкімі выключэннямі. Таму кароткаметражкі заходзяць лепей, чым што іншае.

Паглядзіце і вы 45-хвілінную аніму “У лес, дзе мільгацяць светлячкі”. Яна пранізлівая, тонкая і магічная – ды яшчэ з беларускім перакладам ад каманды AniBel.

 

Вот и не знаешь после такого, возмущаться или сочувствовать. Ответ, конечно, диспропорциональный, но и осудить рука\язык не поднимается.

Агрессия или инкорпорация? Или ничего?

Актуальная аналитика о возможных (и невозможных) путях аннексии Беларуси Россией, которую я прежде написал для Нового Часа, переведена на русский язык.

Читайте и узнайте, будет ли в Беларуси Крым или Донбасс а также отчего излишний алармизм – едва ли не хуже, чем беззаботность.

Прастытуцыя

Увогуле прастытуцыю, як і пытанне абортаў, я адношу да шэрагу шматскладных маральных дылем. Гэта такія складаныя пытанні, дзе сутыкаюцца самыя базавыя чалавечыя патрэбы. Ад таго кожны бок абараняе сваю пазіцыю з такой шалёнай стойкасцю – бо яна яму, сапраўды, баліць.

Доўга разважаў і я: перш за ўсе з пазіцыі справядлівасці і сацыяльных\біялагічных прычын прастытуцыі.

Найперш варта прызнаць, прастытуцыя – зло. Як і любая наёмная праца. Гэта есць нішто іншае, як здача свайго цела ў арэнду іншаму чалавеку для карыстання. Аднак у прастытуцыі ёсць яшчэ і маральны аспект. Паколькі сэкс у прынцыпе, ад прыроды, есць праява чалавечых пачуццяў і любові, то здаючы сваё цела ў арэнду, чалавек прафаніруе любоў як такую, як бы імітуе пачуцці. Гандлюе нечым інтымным і сакральным.

Адсюль і расце пагардлівае стаўленне да прастытуцыі як прафесіі. Таму прастытутка гэта абраза (у футбольных фанатаў так, напрыклад, называюць людзей, якія заўзелі спачатку за адзін клуб, потым за другі). Вы ж не станеце паважаць чалавека, які з вамі сябруе, пакуль у вас есць грошы? Альбо кажа вам кампліменты згодна з тарыфнай сеткай?

Гэта яшчэ адна прычына, чаму прастытуцыя – кепская з’ява, якая вядзе да маральнай дэградацыі перш за ўсе саміх прастытутак.

Аднак давайце паглядзім праўдзе ў вочы: назавіце мне хоць адну дзяржаву, дзе прастытуцыя была б пераможаная. Наколькі я ведаю, такіх няма. Пакуль ёсць грошы і маёмасная няроўнасць, заўсёды будзе прапанова – жанчыны, гатовыя прадаць сябе дзеля набыцця прэстыжных рэчаў, альбо з-за галечы. І будзе попыт: мужчыны, якія разглядаюць жанчыну як тавар для задавальнення сваіх патрэбаў, і мужчыны, якія не могуць атрымаць сэкс, паколькі недастаткова прывабныя для жанчын.

Жанчыны любяць разважаць пра псіхалагічныя і сацыяльныя прычыны, якія штурхаюць жанчын на прастытуцыю. Аднак калі задаецца пытанне “А якія прычыны штурхаюць мужчын карыстацца паслугамі прастытутак?”, замаўкаюць. Якая розніца? Альбо даюць універсальны адказ: “патрыярхат!”.

Рэчаіснасць нашмат складанейшая. Выкажу здагадку, падмацаваную жыццёвыі назіраннямі, што большасць мужчын, якія здымаюць прастытутак гэта тыя, хто не можа атрымаць сэкс забесплатна: сарамлівыя, маўклівыя, непапулярныя ў кампаніях, інтраверты і г.д. І большасць – упэўнены – небагатыя. Бо калі ў цябе шмат грошай то табе не трэба заказваць прастытутак, з жаночай увагай у цябе і так усё будзе ок. У мяне есць некалькі знаёмых: звычайных хлопцаў 25-30 год, фізічна нармальных, без яркавыражаных заганаў, не дуракоў, не адмарозкаў, адукаваных, разумных, у якіх не было дзяўчын… па 7-10 год. Прычына простая: яны нідзе не тусуюцца, не ўмеюць знаёміцца, не ўпэўненыя ў сабе. Карацей не маюць неабходных сацыяльных навыкаў для таго, каб атрымаць сэкс. Ведаеце, мне вельмі цяжка асудзіць іх за тое што яны для задавальнення сваіх базавых патрэбаў скарыстаюцца паслугамі прастытутак.

А згодна са шведскай мадэллю іх трэба караць – штрафаваць ці саджаць у турму? І як там у шведскай мадэлі з пакараннем жанчын, якія карыстаюцца паслугамі прастытутаў?

І яшчэ пра крывадушнасць любых спробаў паставіць прастытуцыю па-за законам. Канешне, можна забараніць сайты інтым-паслуг і ганяць дзяўчын, якія стаяць на панэлі, як і іх кліентаў. Але, прабачце, калі дзяўчына гатовая спаць з хлопцам, які купіць ёй некалькі кактэйляў у клубе? А калі дзяўчына прасейвае ўхажораў праз фінансавае сіта? А калі ў адкрытую кажа «Я не буду сустракацца з мужчынай які зарабляе менш чым … у месяц»? А такімі таварна-рынкавымі адносінамі прапітанае ЎСЁ нашае грамадства, уся культура. Гэта адбываецца паўсюдна. Не лічу перабольшваннем сказаць, што фармат “сэкс за грошы” гэта стандарт адносінаў мужчынаў і жанчынаў у сённяшнім грамадстве. Проста ён прысыпаны сацыяльнымі нормамі і рытуаламі, і таму выглядае нормай. Жанчыны абіраюць сэксуальны аб’ект па статусу (ранг у грамадстве+грошы), мужчыны – па знешніх прыкметах (прыгажосць+маладосць). На гэта ёсць глыбінныя біялагічныя і сацыяльныя перадумовы, якія ніякім законам не адменіш.

Гэта не форма прастытуцыі? І што, ў Швецыі гэтага няма? Ніколі ў жыцці не паверу. Дык як гэта яны адну прастытуцыю забараняюць а іншая квітнее – ледзь прыкрытая сацыяльнымі рытуаламі?

Яшчэ, спадарыні феміністкі могуць у мяне ў чарговы раз кінуць камянямі але я НЕ ВЕРУ ў тое што прастытуцыя гэта заўсёды гвалт над жанчынамі, і ў створаны вобраз “няшчаснай жанчыны-прастытуткі, якую на такую працу штурхнулі сацыяльныя ўмовы і патрыярхат”. Зноў жа, гэта калі казаць пра нашыя ўмовы, а не пра краіны трэцяга свету, дзе і сэксуальная рабства і іншы трэш адбываецца. Аднак у краінах Еўропы такі вобраз не адпавядае рэчаіснасці. Пераважная большасць жанчын займаецца прастытуцыяй не таму што ім няма чаго есці, ці няма дзе жыць, а таму што для іх гэта самы хуткі і адносна лёгкі метад заробку. Вучыцца не трэба, аплата адразу па факце, узровень аплаты працы – непараўнальны з іншымі наёмнымі працоўнымі. Хуткія грошы. Чаму б не?

І ў гэтых умовах пакуль я сапраўды бачу легалізацыю меншым злом. Яна, прынамсі, дае жанчынам на гэтай прафесіі мінімальныя прававыя і сацыяльныя гарантыі.

Мне даводзілася сустракацца з прастытуткамі ўжывую, а таксама чуць апавяданні іх сяброў\знаёмых. Ні адна з іх не стала такой таму што не было што есці. Яны займаюцца сэксам за грошы, бо хочацца фірмовыя майткі вядомага брэнду, новы смартфон і вандроўку ў Эміраты. І яны іх атрымоўваюць. Вы хочаце каб я такога чалавека палічыў “ахвярай”? Сур’ёзна? У кожнага чалавека есць права на свядомы выбар. І калі яны зрабілі свой выбар у бок такога заробку, я не лічу што дапушчальна прысвойваць ім статус ахвяр нейкага ўяўнага “патрыярхату”. І тым больш – прысвойваць іхнім кліентам статус злачынцаў.

Таму для мяне прастытуцыя гэта хутчэй пытання маралі. Маралі капіталістычнага грамадства, дзе ўсё купляецца і ўсе прадаецца (у тым ліку чужыя целы і сурагат любові). І гэтая агідная з’ява будзе пераможаная толькі тады, калі будзе пераможаны культ грошай і інстытут наёмнай працы. Да гэтага ж, колькі не змагайся і не крыміналізуй\легалізуй – нічога не зменіцца.