Хэй, рэбяты, я тут, між іншым, інсту завеў. Кантэнт зусім эксклюзіўны. Падпісвайцеся 🙂
Entries Tagged 'Аб усім' ↓
Я ў інстаграме
February 23rd, 2019 — Аб усім, Бягучыя навіны
Канспіралогія і мы
February 21st, 2019 — Аб усім, Відэа, Палітыка
Ёсць такі канспіролаг – Яўген Пупырын. Ня ведаю, чулі вы пра яго, ці не, але вакол яго і шэрагу падобных ідэолагаў сабралася цэлая секта, якая называе сябе “людьми-суверенами”, не прызнае распад СССР і верыць, што светам кіруе Англія.
Смех смехам, але ў ягоных відэа на ютубе – сотні тысяч праглядаў (куды больш, чым у маіх, плак-плак 🙁
Таму мы, разам з Андрем Павуком вырашылі разабраць частку ТРОХГАДЗІННАЙ лекцыі Пупырына на канале Рудабельская паказуха, каб зразумець ягоныя дагматы і падвергнуць крытыцы.
Калі ў вас есць вольных 19 хвілін – можаце паглядзець 🙂
Чацвертага красавіка палата прадстаўнікоў будзе разглядаць папраўкі ў закон “Аб барацьбе з экстрэмізмам”
February 21st, 2019 — Аб усім, Бягучыя навіны, Палітыка
Галоўнае што нам трэба ведаць:
1. Плануюць падвоіць памер штрафаў за “Дэманстрацыю нацысцкай сімволікі” (артыкул, па якім увесь час судзяць антыфашыстаў)
2. Хочуць увесці артыкул “Рэабілітацыя нацызма” (прывітанне, гісторыкі! Рыхтуйце сухары!)
3. Уводзяць спіс “экстрэмісцкіх і тэрарыстычных арганізацый”, за дэманстрацыю сімволікі якіх будуць караць. Думаю, не варта тлумачыць, хто ў Беларусі першым патрапіць пад гэты спіс.
Падрабязнасці тут: http://bit.ly/2GC4730
Сумесна з Настай Лойкай стварылі петыцыю, якую мусяць пабачыць парламентарыі, калі прыйдуць на вясеннюю сесію. Нам вельмі важныя вашыя галасы СУПРАЦЬ гэтага закону.
Не, мы не разлічваем, што палатачнікі адумаюцца і прымуць да ўвагі нашыя 500 галасоў. Больш за тое, я ўвогуле не прызнаю за імі нейкага права прымаць законы.
Але на сёння крытычна важна зрабіць гэты перапіс, каб было бачна, што праблема есць, і яна турбуе не толькі трох анархістаў і чатырох праваабаронцаў.
Калі ласка, падпішыце петыцыю!
Суд над Золатавай
February 20th, 2019 — Аб усім, Бягучыя навіны, Палітыка
Падзяліўся з сайтам palitviazni.info сваімі думкамі наконт суда над Марынай Золатавай.
Коратка: шыфраваць кампы і мабільныя прылады трэба ўсім, нават тым, хто думае, што не займаецца нічым супрацьзаконным.
Інфармацыйная бяспека
February 20th, 2019 — Аб усім, Аналітыка
І яшчэ наздаўгон наконт сітуацыі з правакацыяй мусароў у тэлеграме. Узнікае пытанне – як стаў вядомы тэлефонны нумар, калі ў ТГ яны не бачныя і Дуравым амаль не выдаюцца? Спытаўся абазнанага чалавека, прыводжу тут ягоны адказ:
“Нашы сілавікі, наколькі я сутыкаўся, трымаюцца старой школы. Ім прасцей правесці нейкую агентурную працу, ненавязліва распытаць знаёмых, запрасіць да сябе папіць гарбату за сяброўскай размовай.
Часцей за ўсё людзі самі падстаўляюцца, бо не надаюць належнай увагі сваёй бяспецы. Свецяць недзе пошту, нік, аватарку – і можна пачынаць раскручваць ланцужок, нават калі ты не следчы. Ад пошты – знаходзіш старыя акаўнты, старыя нікі, выходзіш на старонкі ў сацыяльных сетках…
Заходніх крыпта-ананімаў знаходзілі менавіта так. Кагосьці па старой пошце, кагосьці з-за неўнікальнага нікнэйма раскруцілі, у кагосьці сігнатура актыўнасці ў сеціве супала з падключэннямі да тора і г.д. Вельмі паказальная гісторыя галавы біржы SilkRoad, якога знайшлі з-за таго, што ён у пачатку сваёй дзейнасці неасцярожна засвяціў свой e-mail, якім карыстаўся ў звычайным жыцці – гэта дазволіла звязаць яго рэальную асобу і ананімны акаўнт (больш падрабязна “Пяць памылак, якія каштавалі галаве Silk Road свабоды).
Таксама не трэба забываць, што ўсе тэлефонныя званкі, смс, геалакацыя – апрацоўваюцца СОРМ. Следчаму не трэба быць прасунутым чалавекам, каб звязаць тэлефонны нумар і канкрэтнага чалавека, нават калі сім-картка не беларуская, або аформлена на іншую асобу. Плюс у нашых органаў ёсць шыкоўныя пашпартныя фоткі кожнага з нас. Задача пошуку па фота\аватарцы ў сацсетках вырашана даўно і паспяхова (глядзі FindFace, Searchface).
Менш верагодны і складаны тэхнічна варыянт, гэта калі база беларускіх нумароў загружаецца ў спіс кантактаў і міліцыя парсіць чаты, каб даведацца нумар тэлефона канкрэтнага карыстальніка тэлеграма. На мой погляд, гэта малаверагодны варыянт, бо тэлеграм актыўна змагаецца з гэтай практыкай і “пракруціць” базу ў мільёны беларускіх нумароў – даволі нетрывіяльная тэхнічная задача.
Больш падрабязна пра гэта можна пачытаць на: trashbox.ru/topics/119524/uznat-nomer-telefona-polzovatelya-telegram-mozhno-v-dva-schyota.
На маю думку ў гэтым выпадку нашы органы хутчэй за ўсё праявілі сябе не нейкімі хакерамі, якім “узламаць тэлеграм” – раз плюнуць, а добрымі псіхолагамі. У следчага, які займаецца анархістамі ўжо павінны быць тэлефоныя нумары, пашпартныя дадзеныя ўсіх вядомых яму анархістаў і спачуваючых ім. Яго задача зводзіцца да таго, каб банальна занесці іх у адрасную кнігу свайго смартфона, падключыцца да тэлеграма ды, папіваючы каву, пратыкаць спіс удзельнікаў чата ў пошуках лёгкай ахвяры.
З гісторыі вынікае, што дзяўчына як мінімум асабліва не “шыфравалася”, выкарыстоўвала беларускі нумар, ахвотна ішла на кантакт, не задумвалася пра магчымыя наступствы. На мой погляд, супрацоўнік міліцыі, справакаваўшы яе на “адміністратыўку”, памыліўся, бо падняў гоман – размяняў невялікі штраф на тое, што цяпер усе будуць у тры разы больш асцярожнымі.
Што рабіць?
Больш уважліва ставіцца да сваёй ананімнасці ў сеціве. Не рабіць нічога сур’ёзнага з-пад акаўнтаў, якія можна лёгка звязаць з рэальнымі асобамі, не выдаваць нейкіх падрабязнасцей з асабістага жыцця невядомым людзям, не паддавацца на правакацыі, не слаць ню-фота, быць трошачку параноікамі – нішто не дае абсалютнай гарантыі ананімнасці, але калі кожны хоць трохі будзе пра яе клапаціцца – у зацікаўленых асобаў чалавека-гадзінаў на ўсіх не хопіць.
З практыкі. Ёсць меркаванне, што нават расійскія сімкі, якія ніколі не завозіліся ў Беларусь – ужо вялікая праблема для нашых спецслужбаў і міліцыі, бо ў іх дрэнна наладжана супрацоўніцтва з рускімі. Той жа ВК не асабліва ахвотна здае нашым праваахоўнікам нават крымінальнікаў – следчым прасцей пачакаць пакуль збёглы ў Сібір злодзей зробіць сэлфі з геаграфічнай прывязкай і выкладзе яго на сваю старонку, чым вазіцца з запытамі.”
Заметки с вчерашнего суда: Игорь Богачек против МВД
February 19th, 2019 — Аб усім, Палітыка
В 2017-м, когда шла массовая облава на анархистов, во время обыска у Игоря забрали 70 единиц печатной продукции (книги, журналы, листовки и т.п) на предмет проверить их на “экстремизм”. Экстремизма не нашли. Зато 70 единиц печатной продукции участковый просто уничтожил. После жалоб участкового лишили премии. Но никакой компенсации, естественно, не дали. Игорь подал в суд, вчера было первое заседание, которое я и посетил.
Так вот, заметки.
Мусора очень любят словосочетания “литература, пропагандирующая экстремизм” или “литература, пропагандирующая анархизм”. Чувствуете коннотацию?
Хотя никто не называет Уголовный кодекс “литературой, пропагандирующей законность”, а журнал “Беларуская думка” – “литературой, пропагандирующей государственность”.
Дискурсивная власть даже здесь.
Анархія – проста
February 16th, 2019 — Аб усім, Палітыка
Са здзіўленнем вынайшаў, што вялікая колькасць падпісчыкаў маіх старонак, ды і проста людзей, што спачуваюць анархістам, маюць вельмі цьмянае ўяўленне аб тым, што ж такое анархізм.
Але ж без разумення гэтага не зразумець сутнасць анархісцкага руху, ды і ўвогуле сучаснай беларускай палітыкі, у якой анархісты занялі трывалае месца.
Тры pdf-кі ніжэй – ваш пропуск у свет анархісцкай тэорыі. Коратка, ясна, максімальна даступна аб тым, хто мы такія і чаго хочам.
Калі засталіся пытанні, праходзьце сюды: https://pramen.io/ru/hto-my-takiya-i-chago-my-hocham/ (уваход праз Tor i VPN) – там тэорыя і практыка анархізма пададзеныя больш разгорнута ў грунтоўных тэматычных працах.
Чытаем-адукоўваемся!
http://bit.ly/kto-ukral
http://bit.ly/chto-taoke-a
http://bit.ly/chego-hotyat-a
Лянота чытаць шмат, ці засталіся яшчэ пытанні? Хвалюе, ці будуць пры анархізме аднаполыя шлюбы? Як будзе працаваць хлебазавод на вул. Слясарнай у анархічным Мінску? Ці сапраўды ў Сірыйскім Курдыстане пабудавалі анархізм? Шліце пытанні мне на мыла mikola@riseup.net
Абяцаю адказаць усім: коратка, хутка і па справе!
Набярэцца шмат пытанняў – зраблю відос! 🙂
Міліцыя зацікавілася непаўнагадовымі дзяўчынкамі
February 16th, 2019 — Аб усім
“Мэдыкі будуць паведамляць міліцыі пра полавае жыцьцё беларусак да 16 гадоў. Дзяўчаткі да 16 гадоў штогод будуць праходзіць мэдагляды. Калі выявіцца, што дзяўчына мела полавую сувязь, гінэколяг абавязаны паведаміць пра гэта начальніку мясцовага УУС. Дзяўчыну накіруюць да мэдычнага псыхоляга, які падрыхтуе яе да камунікацыі са сьледчымі. Сьледчыя будуць пытацца ў дзяўчыны, «чаму гэта здарылася і з кім».”
Такая мярзотная навіна, што нават не ведаеш з якога боку пачаць аб ёй выказвацца.
Дзяржава, знішчыўшы ўшчэнт публічную сферу, зараз замахваецца на права падлеткаў на сваё цела. Проста ўявіце сабе карціну, як 15-гадовая дзяўчына пасля медагляду будзе вымушаная расказваць міліцыянерам дэталі свайго асабістага жыцця. А тыя потым будуць між сабой (ці нават пры ёй) смакаваць падрабязнасці і рагатаць з пачутага. Хто меў справу з міліцыяй – пацвердзяць, што так яго і будзе адбывацца.
А калі 15-гадовая дзяўчына пераспала з 17-гадовым хлопцам па абаюднай згодзе? Гэта таксама допыты, суд і крымінальнае пакаранне. Проста ўявіце сабе бруд сітуацыі.
Да чаго прывядзе гэты закон? Перш за ўсе, прабачце, за рост палавых кантактаў нетрадыцыйнымі спосабамі. Гэтак і падлеткі падчас сэкса будуць ратаваць сябе ад увагі міліцыі, і патэнцыяльныя гвалтаўнікі будуць імкнуцца сябе абезапасіць.
Па-другое – да каласальнага росту дзіцячых псіхалагічных траўмаў і суіцыдаў (па якіх Беларусь і так першая ў Еўропе). А потым, як пасля Стоўбцаў, будуць крычаць што “ва ўсім вінаваты інтэрнэт”…
Па-трэцяе, калі сэкс, быў, напрыклад, з каханым равеснікам, у дзяўчыны будзе вялікая спакуса агаварыць яго, назваўшы кагось іншага. А ў апероў і следакоў – выбіць паказанні традыцыйным спосабам. Гэта значыць: рост такіх жа брудных крымінальных справаў.
Усё новаўвядзенне, канешне, падаецца пад соўсам “барацьбы за маральнасць” і “выкрыцця фактаў згвалтаванняў”. Але, якая, нахрэн, маральнасць, у тым скасоўваць права людзей на прыватнае жыццё? Якая маральнасць у тым, каб напляваць на прынцып тайны лекавання?
У іх “ахова бяспекі грамадзян” – гэта татальнае сачэнне на кожным кроку, “барацьба з беспрацоў’ем” – гэта здзіранне падаткаў з самых бедных, а “барацьба са згвалтаваннямі” – гэта калі следак залазіць пад спадніцу малалетней дзяўчыне. Апека і ахова дзяржавы знішчаюць усё чалавечае.
І яшчэ. Калі спрабавалі прыняць закон аб хатнім гвалце: кансерватыўныя грамадзяне воўкамі вылі аб тым, што гэта ўварванне дзяржавы ў прыватную сферу. Дзе зараз іх галасы?
Стаўбцы
February 13th, 2019 — Аб усім, Бягучыя навіны
О, вось і “ужэстачэнне” пайшло. Пішуць, што ў Стоўпцах дзяцей не выпускаюць са школы да бацькоў, а па ўсей краіне ў навучальных установах “узмоцняць меры бяспекі”.
Як быццам праблема была ў гэтым…
Але ў нас уся вертыкаль, зверху да нізу працуе па прынцыпе палачнай дысцыпліны. На любую праблему есць долькі адзно рашэнне: забараніць. Іншых адказаў нашая сістэма не ведае і ведаць не можа. Гэта ў іх у менталітэце, у светапоглядзе, у крыві.
Учора ж у адміністрацыі прэзідэнта заявілі доўгачаканае: “гэта ўсё вашыя інтарэты і кампухцеры!”
Дарэчы, такога кшталту эксцэсы, як забойствы, тэракты і крывавыя паўстанні, часцей за ўсе адбываюцца менавіта ў нягнуткіх аўтарытарных сістэмах. Бо пружыну нельга сціскаць да бясконцасці.
Назіранне за судом па Справе БелТА
February 12th, 2019 — Аб усім, Бягучыя навіны, Палітыка
Суд над Золатавай і Тутбаем – сапраўдны цырк. БелТА, якая прасіла закрыць судовае паседжанне з-за “сакрэтнай інфармацыі” рассылала паролі факсам, акрамя таго, не забараняла перадаваць іх трэцім асобам. Золатава не прызнае віну – рэспект.
170 чалавек у судзе – добры вынік. Нават на “Справе прафсаюзаў” столькі не было. Гэта паказчык таго, што грамадзянская супольнасць, хай і дыхае на ладан, але жывая.
Адна толькі фраза ў інтэрвью Марыны Золатавай рэзанула вока: “я настроеная на лепшае”. Лепшае гораше зараз мала залежыць ад яе, а залежыць найперш ад палітычнай волі кіраўніка рэпрэсіўнага апарату. Разлічваць на ягоную літасць\здаровы сэнс – вельмі недальнабачна. Калі трапляеш пад жорнавы рэпрэсіўнай машыны – трэба заўседы настройвацца на горшае. Інакш турма стане маральнай катастрофай. Калі ж настроіўся на горшае – цябе нічым не зламаць.
