Новае цемрашальства

Відэа з універсітэта Портланда, ЗША. Падчас свайго выступу вучоная Хізер Хейлінг, аўтарка кніг па эвалюцыйнай біялогіі, сказала, што “відавочна, між мужчынам і жанчынамі ёсць выразныя біялагічныя адрозненні”.

У адказ цэлая група студэнтаў выйшла з аўдыторыі, па дарозе паспрабаваўшы зламаць гукавую апаратуру. Адзін са студэнтаў: “Мы не мусім слухаць фашыстаў! У грамадзянскай супольнасці няма месца нацыстам!”

Мне падаецца, што навука памірае там, дзе пачынае дамінаваць левацкая культура істэрыкі а чыесці пачуцці ставяцца вышэй за факты. Гэта сучаснае цемрашальства пад маскай барацьбы за роўнасць (хаця роўнасцю і не пахне там дзе адны спрабуюць затыкаць рот іншым).

Праваслаўных рэцэптаў ад булінгу вам у стужку!

Супраць Андрэя Павука распачатая крымінальная справа. Яўны фэйк. Паглядзім, што будзе далей.

Стоўбцы і экстрэмізм

Усё хацеў пракаментаваць гэтую навіну, ды ніяк рукі не даходзілі.

– Глядзіце, вучням забаранілі карыстацца мабільнымі тэлефонамі ў школах, бацькоў не пускаюць, на ўваходзе паставілі турнікеты-дамафоны. Карацей пераўтварылі школы ў казармы. Але дурню бачна, што гэтыя меры АНІЯК не зніжаюць верагоднасці паўтарэння забойства. Прабачце, у Стоўбцах настаўніцу і вучня забілі смартфонам? Ці наяўнасць турнікета замінае пранесці нож у клас?
Амаль у любой іерархічнай сістэме любыя дзеянні, зробленыя па ўказцы зверху, робяцца для справаздачнасці, а не для выніку.

Праводзіць псіхалагічную працу з падлеткамі, у якіх цяжкасці? Прасоўваць здаровыя, а не армі-стайл, адносіны між настаўнікамі і вучнямі? Рабіць тэлефоны даверу для школьнікаў? Нахрен трэба. Турнікет упёр ля дзярэй і норм.

– Інструкцыя па апазнанню “экстрэмістаў” гэта проста шык. Чырвоныя шнуркі у “рэдскіноў”, кельтскія крыжы ў футбольных фанатаў… Субкультурная метадычка спазнілася год на 15 і любы сучасны маладзён падыме яе насмех (а 14-15 гадовыя нават і не ўзгадаюць, хто так апранаўся). Гэта выразна кажа аб тым што ўлада жыве з моладдзю проста ў розных сусветах. Тут ўжо восемь трэндавых субкультур змянлася, а яны ўсе раздупляюць, што насілі скінхеды ў пачатку нулявых.

– Спроба прыплесці да здарэння моладзевы экстрэмізм заканамерная, але насцярожвае. Відавочна, што ў забойцы ніякіх паліычных матываў не было і блізка (інакш, паверце, а гэтым бы ўжо вапелі направа-налева). Але спецслужбы вырашылі скарыстацца выпадкам каб падкрэсліць сваю значнасць і значнасць сваей павесткі, маўляў: “экстрэмісты, фанаты, анархісты, скінхеды, школьнікі з нажамі – усё адно! Трэба тэрмінова ўзмацняць кантроль, а тое сёння АСАВ пішуць на сцяне а заўтра забіваць пачнуць!” Такім чынам менты хочуць пашырыць свае паўнамоцтвы каб яшчэ мацней ціснуць на непадкантрольную і незадаволеную моладзь.

 

Міліцыя зацікавілася непаўнагадовымі дзяўчынкамі

“Мэдыкі будуць паведамляць міліцыі пра полавае жыцьцё беларусак да 16 гадоў. Дзяўчаткі да 16 гадоў штогод будуць праходзіць мэдагляды. Калі выявіцца, што дзяўчына мела полавую сувязь, гінэколяг абавязаны паведаміць пра гэта начальніку мясцовага УУС. Дзяўчыну накіруюць да мэдычнага псыхоляга, які падрыхтуе яе да камунікацыі са сьледчымі. Сьледчыя будуць пытацца ў дзяўчыны, «чаму гэта здарылася і з кім».”
 
Такая мярзотная навіна, што нават не ведаеш з якога боку пачаць аб ёй выказвацца.
 
Дзяржава, знішчыўшы ўшчэнт публічную сферу, зараз замахваецца на права падлеткаў на сваё цела. Проста ўявіце сабе карціну, як 15-гадовая дзяўчына пасля медагляду будзе вымушаная расказваць міліцыянерам дэталі свайго асабістага жыцця. А тыя потым будуць між сабой (ці нават пры ёй) смакаваць падрабязнасці і рагатаць з пачутага. Хто меў справу з міліцыяй – пацвердзяць, што так яго і будзе адбывацца.
 
А калі 15-гадовая дзяўчына пераспала з 17-гадовым хлопцам па абаюднай згодзе? Гэта таксама допыты, суд і крымінальнае пакаранне. Проста ўявіце сабе бруд сітуацыі.
 
Да чаго прывядзе гэты закон? Перш за ўсе, прабачце, за рост палавых кантактаў нетрадыцыйнымі спосабамі. Гэтак і падлеткі падчас сэкса будуць ратаваць сябе ад увагі міліцыі, і патэнцыяльныя гвалтаўнікі будуць імкнуцца сябе абезапасіць.
 
Па-другое – да каласальнага росту дзіцячых псіхалагічных траўмаў і суіцыдаў (па якіх Беларусь і так першая ў Еўропе). А потым, як пасля Стоўбцаў, будуць крычаць што “ва ўсім вінаваты інтэрнэт”…
 
Па-трэцяе, калі сэкс, быў, напрыклад, з каханым равеснікам, у дзяўчыны будзе вялікая спакуса агаварыць яго, назваўшы кагось іншага. А ў апероў і следакоў – выбіць паказанні традыцыйным спосабам. Гэта значыць: рост такіх жа брудных крымінальных справаў.
 
Усё новаўвядзенне, канешне, падаецца пад соўсам “барацьбы за маральнасць” і “выкрыцця фактаў згвалтаванняў”. Але, якая, нахрэн, маральнасць, у тым скасоўваць права людзей на прыватнае жыццё? Якая маральнасць у тым, каб напляваць на прынцып тайны лекавання?
 
У іх “ахова бяспекі грамадзян” – гэта татальнае сачэнне на кожным кроку, “барацьба з беспрацоў’ем” – гэта здзіранне падаткаў з самых бедных, а “барацьба са згвалтаваннямі” – гэта калі следак залазіць пад спадніцу малалетней дзяўчыне. Апека і ахова дзяржавы знішчаюць усё чалавечае.
 
І яшчэ. Калі спрабавалі прыняць закон аб хатнім гвалце: кансерватыўныя грамадзяне воўкамі вылі аб тым, што гэта ўварванне дзяржавы ў прыватную сферу. Дзе зараз іх галасы?
 

Стаўбцы

О, вось і “ужэстачэнне” пайшло. Пішуць, што ў Стоўпцах дзяцей не выпускаюць са школы да бацькоў, а па ўсей краіне ў навучальных установах “узмоцняць меры бяспекі”.
 
Як быццам праблема была ў гэтым…
 
Але ў нас уся вертыкаль, зверху да нізу працуе па прынцыпе палачнай дысцыпліны. На любую праблему есць долькі адзно рашэнне: забараніць. Іншых адказаў нашая сістэма не ведае і ведаць не можа. Гэта ў іх у менталітэце, у светапоглядзе, у крыві.
 
Учора ж у адміністрацыі прэзідэнта заявілі доўгачаканае: “гэта ўсё вашыя інтарэты і кампухцеры!”
 
Дарэчы, такога кшталту эксцэсы, як забойствы, тэракты і крывавыя паўстанні, часцей за ўсе адбываюцца менавіта ў нягнуткіх аўтарытарных сістэмах. Бо пружыну нельга сціскаць да бясконцасці.

Небывалы градус абарзенія

http://bit.ly/2UNKVm1 – жэсць.

Вы яшчэ запатрабуйце ў студэнтаў спавядацца перад участковым перад сесіяй на прадмет наяўнасці непажаданых думак у галаве.

Начосы ўсё робяць для таго, каб слова “экстрэмізм” пачало асацыявацца з супрацівам іх скоцкай сістэме і набывала пазітыўную канатацыю.

А тым хто пайшоў у адмову – рэспект! Усе б так рабілі і мы б жылі ў іншай краіне.

 

МУС і Мінінфарм супраць лісцікаў

Ну што, грамадзяне, пакуль многія лічылі што “экстрэмізм гэта не пра нас, мы ж закон не парушаем”, дзіравыя забаранілі не толькі спажыванне марыхуаны, не толькі сайт за яе дэкрыміналізацыю, але і саму ВЫЯВУ лістку каноплі! Бо гэта, маўляў “прапаганда наркаманіі”. Разумееце ступень маразму?
А калі сарваць сам лісток і з ім хадзіць? А як наконт выяваў у падручніках па батаніке?

А я казаў не раз і не два, што сфера забароненага будзе пашырацца. Цэнзары вайшлі ў смак, і супраціў ім яўна недастатковы. Чаму б не пазабараняць, калі ніхто асабліва не рыпаецца? Тым больш усе тыя, хто кінуліся жартаваць на гэты конт, ужо бягуць наперадзе цягніка і САМІ (!) замазываюць выявы канопляў на сваіх карцінках і пастах. Законапаслухмяныя якія.

Сам я праціўнік розных “рэчываў”. Толькі ЗОЖ. Але зараз толькі так, ніяк інакш. Выключна з прынцыпу.

Хвілінка гумару

Чулі ўжо, што група “Тяни-толкай” (айчынные спявакі ротам, у рэпертуары якіх прысутнічаюць дыфірамбы мусарам) адзначыліся удзелам у тэлевізійным шоў у курапацкім Бульбаш-холе? У шэрагу астатніх актывістаў я падтрымаў публічны байкот гэтай групы, размясціўшы ў ФБ допіс з іх тэлефонамі і кантактамі.

І тут што вы думаеце? Мне напісаў іхні гукарэжысёр Аляксандр Каляда з пагрозамі напісаць на мяне заяву ў міліцыю – за тое што я выклаў у сябе на старонцы ягоны тэлефон (апублікаваны ў адкрытым доступе).

У далейшай размове ён завяраў, што у Бульбаш-холе яго не было і ўвогуле гэта быў не выступ а інтэрв’ю. Я прапанаваў яму напісаць на сваёй старонцы адкрыта, што яго там не было і ён не лічыць наведванне такіх установаў нормай – тады прыбяру ягоны тэлефон. Не хоча. Ну і ладна.

п.с. у мяне ў галаве не змяшчаецца як у жыцці можна корчыць з сябе мужыка-мужыка, а пабачыўшы свой нумар у чужым фэйсбучыку, на злом галавы бегчы ў мянтоўку. Дзе элементарная годнасць? Няўжо не сорамна, што ты ўжо без мянтоў абараніць сябе не можаш?

Ну а званіць тады ўжо трэба абавязкова, пытанне прынцыпу 🙂

 

Глупыя і смешныя

У абскарджванні сваей першай адміністратыўкі за “нацысцкую сімволіку” паспеў дашкандыбаць да старшыні Мінскага гарадскога суда. На днях атрымаў адказ. У будучым музеі дыктатуры гэтая, і ей падобная, паперкі будуць стаяць у рамачцы, як музейны экспанат, помнік чынавенскай тупасці, бюракратычнаму нахабству і бесчалавечнасці дзяржмашыны.
 
Ну, сапраўды, ацаніце:
 
Ты яму некалькі старонак скурпулёзных доказаў таго, што пратакол складзены з парушэннямі, не выкананая літара закона, мае правы не ажыццяўленыя. А ён у адказ: “Ваши доводы признаны необоснованными”. І ўсё на гэтым.
 
Ты яму дэталёвае абгрунтаванне таго, што рашэнне суда парушае заканадаўства Беларусі і міжнародныя нормы (следваць якім Беларусь абавязалася), а таксама пунктаў ПіКААП, згодна з якімі пратакол увогуле можа не разглядацца. А ён табе ў адказ: “Ваша виновность подтверждена имеющимися по делу доказательствами”. І ўсё на гэтым.
 
Ты яму пішаш, што дзве з трох выяваў увогуле не з’яўляюцца свастыкамі – іх значэнне трэба яшчэ ўстанавіць. А ён табе ў адказ: “Факт размещения свастики вами не оспаривается”. І ўсе на гэтым.
 

Гэтыя клоўны ўжо нават не могуць больш-менш абгрунтаваныя адпіскі пісаць. А не могуць таму, што няма чым крыць. Застаецца, як папугаям, талдычыць адное і тое ж: “не подверждается, необосновано, нарушений не обнаружено”. Вось сядзіць гэты П.І. Каршуновіч – цэлы старшыня Мінскага гарадскога суда. Атрымоўваў жа нейкія навуковыя ступені. Вучыўся, прабіваўся па кар’ернай лесвіцы, праходзіў курсы падвышэння кваліфікацыі. Дзе яго прафесійны гонар? Дзе элементарная чалавечая годнасць? Рытарычныя пытанні, бо няма іх канешне, і сляда. Але акрамя гэтага няма яшчэ і розуму. Бо калі б ён быў, Каршуновіч бы зразумеў: Лукашэнкі прыходзяць і сыходзяць, а Стасбурскі суд і КПЧ ААН – застаюцца. Прыйдзе час, апеляцыі пісаць будуць ужо яны.