Entries Tagged 'Бягучыя навіны' ↓

#radixbel

На бліжэйшым стрыме ў вечар нядзелі я раскажу вам пра палітычную важнасць нізавога валанцёрскага руху і аб тым што зараз адбываецца з коштамі на нафту (і, вядома, як гэта адаб’ецца на нас).

А яшчэ вас чакае шакуючае адкрыццё: у ЗША знойдзены мой двайнік і антыпод у адной асобе, і гэта вельмі вядомы чалавек. Што за ён, раскажу на стрыме.

Далучайцеся.

18.00 па Мінску. Тут: youtube.com/radixbel

Каб не прапусціць стрым, пастаўце званочак.

Вы тут смяецеся з Лукашэнка, ва ў Украіне па сацсетках і месенджерах усур’ез разганяецца інфармацыя аб тым што каронавірус НА САМОЙ СПРАВЕ распаўсюджваюць вышкі 5G.
У Вялікабрытаніі ўжо было зафіксавана некалькі падпалаў гэтых вышак.

Яшчэ адное пацверджанне тэзісу аб тым што зараз канспіролагі ў Еўропе занялі вакантнае месца рэлігійных фанатыкаў. Як толькі крызіс – яны вылазяць і пачынаюць сваю чорную справу.

Што робяць нармальныя людзі, калі іхняй супольнасці пагражае небяспека? Калі наўкол – пагроза, надзвычайная сітуацыя, нестабільнасць і бяда?

Вядома, дапамагаюць адзін аднаму, самаарганізуюцца, падтрымліваюць слабых.

Што ў гэтай сітуацыі робяць менты і іншыя прыкарытнікі? Пачынаюць яшчэ больш асцервянела кусаць усіх наўкол. Найперш тых, інфармуе грамадства, робіць карысныя справы і супрацьстаіць бядзе.

Літаральна за апошнія два дні:

1. Гамельчуку ўлупілі штраф за крытычнае відэа пра Лукашэнка (відэа прыраўнялі да «распаўсюду нацысцкай сімволікі»).

2. Былога зняволенага ПК-15 (Магілёў), які зведаў у калоніі катаванні і сродкі карнай медыцыны невядомыя ў цывільным падкараўлілі пад пад’ездам і пачалі пагражаць, каб ён не казаў аб тым, што з ім адбылося.

3. Два суды супраць белсатаўцаў у Магілёве. Абодвум штраф 50 базавых.

4. Валанцёрку ЛГБТ-ініцыятывы там жа, у Магілёве, спрабавалі вербаваць КДБшнікі.

5. Заслаўль. Івана Красоўскага пацягнулі ў міліцыю і склалі пратакол за фатаграфію мента з прыфаташопленай нацысцкай формай, выкладзеную у тэлеграм-чаціку. «Распаўсюд экстрэмісцкіх матэрыялаў», 17.11 КаАП (ужо амаль народны артыкул).

І, я думаю, працяг будзе. Па-першае, эпідэмія эпідэміяй аднак хутка выбары і поле трэба зачышчаць.
Па-другое, я яшчэ чакаю спробаў дзяржавы змагацца з валанцёрскім рухам. Магчыма, не на глабальным узроўні, а на лакальным, але прэцэдзенты будуць. Любы ўздым людзей крайне небяспечны для такой нестабільнай сістэмы як лукашэнкаўскі гібрыдны аўтарытарызм. Бо праз уздымы людзі пачынаюць верыць у свае сілы. А гэтага ўлада баіцца больш за ўсё.

Так трымаць!

Даследванне аб прагнозных паказчыках развіцця каронавіруснай эпідэміі у Беларусі. Чувакі з East Center пабудавалі матэматычную мадэль. Згодна з ей у Беларусі ад эпідэміі да канца года памрэ ад 16 да 32 тысяч чалавек.

Калі дзяржава прама зараз увядзе татальныя каранцінныя меры: 1,6 тысяч.

Здаецца гэта меней, чым у Італіі (там 16 тысяч памерла за месяц), але калі падумаеш, што ўгэты лік можаш увайсці ты ці твае блізкія, робіцца троху няўтульна.

У Беларусі людзі ўжо паміраюць ад каронавіруса. Афіцыйна загінулых 6 чалавек. Неафіцыйна ўжо некалькі дзясяткаў.

Зараз бы дзяржаве, якая нібыта якраз і існуе дзеля таго каб бараніць людзей у экстраных выпадках (менавіта пад гэтай нагодай яна смокча з нас грошы і патрабуе падпарадкавання), мабілізавацца і зрабіць усё, каб абараніць насельніцтва.

Хрэна з два. У маразматыкаў ва ўладзе прачнуўся начальственна-кантралюючы зуд.

Стары халуй Давыдзька вырашыў паказаць сваю незамяняльнасць і хоча навязаць яшчэ больш жорсткія папраўкі ў закон аб СМІ. Магчыма, зараз СМІ будуць лічыць усіх, у каго болей за 500 падпісчыкаў і ўвядуць крымінальнае пакаранне за «фэйкі». Ну а мы памятаем што ў слоўніку прапагандонаў «фэйк» гэта любая інфармацыя на якую не даў санкцыю іхні пахан.
Відавочна, што гэта помста за тое што незалежныя СМІ і тэлеграм-каналы выконваюць функцыю інфармавання грамадства у тысячу раз лепей за афіцыйных дармаедаў з БТ.

МУС вырашыла таксама не адставаць і выкаціла райне карысную і неабходную грамадству менавіта зараз ініцыятыву: пазбаўляць грамадзянства за тэрарызм і экстрэмізм. Гаворка ідзе пра натуралізаваных грамадзян, г.зн. тых хто стаў грамадзянінам Беларусі, быўшы асобай без грамадзянства ці грамадзянамі іншых дзяржаваў. Але гэта пакуль.

У Гомелі чалавека паспрабавалі асудзіць за распаўсюд відэа NEXTA «Лукашэнка, крымінальныя матэрыялы». Аднак замест гэтага асудзілі за іншы ролік – там дзе Лукашэнка выказваецца пра Гітлера. Дарэчы на судзе хлопец пакаяўся і прызнаў віну, але яму гэта не дапамагло – упаялі штраф.

Пакуль дзяржава занятая кантролем і арганізаваным гвалтам (адзінае што яна можа як след рабіць), усе функцыі падтрымкі насельніцтва. Арганізацыі і мабілізацыі грамадства, абароны самых безабаронных узяла на сябе грамадзянская супольнасць.

Валанцёры закупаюць і раздаюць маскі дзесяткамі тысяч, збіраюць грошы ў дапамогу медыкам, дапамагаюць бяздомным і пажылым, праводзяць інфармацыйную працу з насельніцтвам, шыюць маскі, арганізуюць бясплатны транспарт і пражыванне для медыкаў і многае-многае іншае. Маштабы гэтага ўражваюць сёння і з кожным днём растуць. На інтэрактыўнай мапе дапамогі ўжо 18 кропак валанцёрскай падтрымкі.

І гэта далёка не ўсе.

Гэта тое што мусіць рабіць дзяржава, і што яна абсалютна ня робіць. Ва ўмовах цяжкай экстрэмальнай сітуацыі яна толькі замінае, шкодзіць і гадзіць.

На кой хрен гэтая дзяржава тады ўвогуле патрэбная? Што яна можа такога, чаму не можам мы самі? Вось пабачыце, гэтымі пытаннямі хутка пачнуць задавацца ўсё болей людзей.

Пішуць аб г.зв. “пірамідзе гвалту”, напісаная з пра-феміністычных пазіцый. Даволі даступна тлумачыцца, чаму г.зн. “піраміда гвалту” (канцэпцыя, з якой выцякае. што, нібыта, сэксісцкія жарты і генацыд гэта з’явы аднаго парадку і адно адкрывае шлях другому) – мякка кажучы, рэч недаказаная і сумнеўная.

Падымаюцца ў артыкуле і іншыя пытанні: колькасць рэальных ахвяраў хатняга гвалту, гвалт у ЛГБТ-семьях і гэтак далей.

http://freeresearcher.net/2019/11/20/ourmisbeliefs/