May 3rd, 2019 — Бягучыя навіны, Палітыка
Заўтра ў мяне чарговы суд, на гэты раз нетыповы. Следчы камітэт адмовіў у разглядзе маёй заявы аб нападзе напад СОБРу на анархісцкі лагер у Крупках. І адмовіў у ўзбуджэнні крымінальнай справы. Зрабілі выгляд што нічога не адбылося.
4 траўня ў 14.30 гэтая адмова будзе разглядацца ў Партызанскім судзе Мінска. Будзем даказваць, што тое што учынілі спецназ і ГУБАЗіК год таму пад Крупкамі – гэта склад крымінальнага злачынства.
Нават калі вынік суда будзе такі, як звычайна ў Беларусі, вінаватыя мусяць памятаць, што ім нічога не сыйдзе з рук. Усё запісана, усе панясуць асабістую адказнасць. Дурныя менты думаюць што пад ценем загадаў начальства можна рабіць усё, і адказваць не прыйдзецца. Яны не разумеюць, што калі каньюнктура зменіцца (а гэта непазбежна – пытанне толкьі ў часе), у топку паляцяць не загадчыкі – а якраз гэтыя выканаўцы: Бедункевічы, Луневічы і ім падобныя.
Хто хоча – падыходзьце заўтра!
May 2nd, 2019 — Бягучыя навіны, Палітыка
#яэкстрэміст #яэкстремист
Як вам такая прыгажосць? Можна ўзяць у мяне бясплатна. Але паспяшайцеся – колькасць абмежаваная!
May 1st, 2019 — Бягучыя навіны, Палітыка
Дарагіх сяброў і паплечнікаў-анархістаў вішую з Першым мая! Гэта наш дзень! Няхай памяць пакутнікаў Хеймаркет будзе заўсёды жыць і натхняць нас на барацьбу. Слава героям!
April 30th, 2019 — Аб усім, Палітыка
Сям’я, сутыкнуўшыся з несправядлівасцю з боку дзяржавы, вырашыла змяніць лад жыцця, пераехала на вёску і звяла кантакты з уладай да мінімуму. Зараз жывуць натуральнай гаспадаркай, самаадукоўваюцца і даюць інтэрвью журналістам.
Заўсёды натхняюць вось такія прыклады стыхійнага анархізму сярод людзей. Лічу вельмі важным што людзі, нават не маючы навуковых ступеняў і не падпісваючыся пад аніякія палітычныя двіжухі, змаглі зрабіць выснову: «государство — форма организованного насилия над человеком». Змаглі яны – змогуць і іншыя.
April 29th, 2019 — Палітыка
Уцюрын – адзін з самых верных служкаў Лукашэнкі, які з працаваў у СБП з 1995 года. З кагорты тых хто “выполнит любой приказ” і брывёю не павядзе.
Можна толькі здагадвацца, якая сапраўдная прычына затрымання. Гэта дакладна не “барацьба з карупцый” (ценявымі грашовымі плынямі на такім дзяржузроўні пранізана ўсё, і ўсё ўзгоднена з кім трэба), гэта тэктанічныя зрухі ў раскладзе кіруючай клікі. Прыкладна тое ж самае, як арыштавалі б Шэймана ці Навумава.
Некаторыя пішуць што сапраўднай прычынай сталі “цесныя сувязі з РФ”. Я думаю гэта, прынамсі пакуль, выдаванне пажаданага за наяўнае. У такіх колах куды больш частай прычынай вайны з’яўляюцца фінансавыя справы. І яшчэ – у мяне няма адчування што Ўцюрын сядзе ўсур’ёз і надоўга. Хутчэй гэта арышт-сігнал, арышт-эмацыйны жэст.
Недатыкальных няма. Чыста сталінскі падыход да кадраў у Аляксандра Рыгорыча.
April 29th, 2019 — Відэа, Палітыка
Отличное видео о воинах-добровольцах из США и Европы, которые сражаются в Сирийском Курдистане (Рожаве) на стороне SDF (Сирийских демократических сил). С начала войны в Рожаве, в боях против ИГИЛ и турецкой армии погибло не менее десятка анархистов. Последним, в марте, был итальянец Лоренцо Орсетти.
У видео есть русские субтитры, не забудьте включить.
April 28th, 2019 — Аналітыка
Нечакана, кожны мой відос з серыі “Анархія проста” набірае больш праглядаў чым папярэдні. Чацьверты выпуск, аб тым як пры анархізме будуць размяркоўвацца рэсурсы, за тыдзень сабраў сукупна больш за 2000 праглядаў!
У стужцы сацсетак вы можаце прапусціць новае відэа. А вось падпісаўшыся на канал і паставіўшы званочак – не прапусціце. То падпісвайцеся!
April 28th, 2019 — Аналітыка, Палітыка
Назіраю за наступствамі расстрэлу мусульман у Новай Зеландыі. Пакуль толькі з таго, што ляжыць на паверхні:
1. Медыі ўзмоцнена настройваюць грамадскую думку супраць іміджбордаў і культуры мемаў. На новазеландскіх ТБ-шоў усур’ез абмяркоўваюць пасты на 4chan. Ну гэта як, прыкладна, па “Беларусь-1” абмяркоўвалі б змест тэлеграм-чатікаў.
2. Facebook змяніў правілы трансляцыі. Зразумела, ў бок ўзмацнення.
3. Новая Зеландя забараніла паў-аўтаматычную зброю. Гэта ўвогуле шык! Класічная логіка: воўк забіў трох авечак з дапамогай зубоў. Авечкі вырашылі: трэба нам павырываць сабе зубы, для нашай жа ўласнай бяспекі.
4. Такая дробязь, але сімвалічная: песню Remove Kebab, пад якую да мячэці ехаў стралок… удалілі з ютуба, а таксама заблакавалі гэты запыт – зараз ютуб у пошукавіку не падбірае яго аўтаматычна.
Цікава, а калі б ён ехаў пад Вагнера – забаранілі б Вагнера? Я не здзівіўся б.
Такім чынам, Беларусь і Расія не з’яўляюцца першапраходцамі ў справе карыстання тэрактаў для узмацнення кантролю. Ліберальныя рэжымы спраўляюцца з гэтым нічым не горш. І наратыў паўсюль аднолькавы: “гэта дзеля вашай жа бяспекі!
April 27th, 2019 — Бягучыя навіны, Палітыка
[ENGLISH FOLLOWS]
Даў інтэрвью швейцарскай газеце “Die Wochenzeitung”. Распавёў пра пераслед анархісцкага руху ў Беларусі, пра дзейсныя ініцыятывы, і, вядома, пра тое, як нашая ўлада рыхтуецца да еўрапейскіх гульняў. Гугл-перакладчык даставіў неймаверна:
“Добрый Николай Дзядок, будет выброшен или подарок за неделю до чемпионата анархист”
“Те, кто не вписался в желаемый городской пейзаж, высадились на самоуправления и без иерархической организации в тюрьме.”
\ \ \ \ \
Interview with me, published in “Die Wochenzeitung” (Switzerland). Topics: repressions against anarchist movement in Belarus, active anarchist initiatives and how our authority is preparing to European games – by expelling students from dormitories and imprisonment of political activists.
#boycott_eg_2019
#minsk2019
#europeangames
April 26th, 2019 — Відэа
Я з тых людзей, якім заломна глядзець доўгі фільмы, за рэдкімі выключэннямі. Таму кароткаметражкі заходзяць лепей, чым што іншае.
Паглядзіце і вы 45-хвілінную аніму “У лес, дзе мільгацяць светлячкі”. Яна пранізлівая, тонкая і магічная – ды яшчэ з беларускім перакладам ад каманды AniBel.
