Пракаментаваў для “Палітвязні” апошнюю інфармацыю па Міхаілу Жамчужнаму.

Начальніка ПК-9 у Горках, Лапаціна, знялі з пасады: верагодна дзякуючы скаргам і зваротам Жамчужнага. Гэта яшчэ адно пацверджанне што барацьбу: ад пратэсту да асвятлення ў СМІ, не варта кідаць нават калі здаецца што плёну няма.

Ізноў пра Фарбы

[ENGLISH FOLLOWS]

Новым падпісчыкам (і старым, калі хто не чуў): кніга “Фарбы паралельнага свету” – 16 апавяданняў, дзе апісваецца і аналізуецца турэмная рэчаіснасць, зараз даступная анлайн. Заходзьце, пампуйце, і чытайце на здароў’е!

А хто хоча папяровы варыянт – яго можна купіць ў кнігарні “Логвінаў” і сядзібе БНФ! Гэтым вы падтрымаеце мяне і мае далейшыя актыўнасці.

________________

Dear friends, I remind you that my book “The Colours of the Parallel World” – 16 essays with description and analysis of prison system, is available online. You can read it and support me if you like it 😉

Калі мент можа быць тэатралам, чаму ён не можа ўладарыць над прасторай і часам? Сёння судзілі Зміцерам Галко – і хутка, думаю, суд пацвердзіць што адзін і той жа ўчастковы можа быць на Бурдзейнага і на Мележа адначасова.

Чытаю лісты, ад палітвязняў і проста сябраў, што за кратамі: у Беларусі адкрываюцца новыя зоны. ПК-10 (Наваполацк), якую былі ў 2013 годзе перарабілі пад ЛПП (Лячэбна-працоўны прафілакторый) ізноў перарабілі ў калонію і назвалі ПК-1.

Канешне, калі пачкамі саджаць моладзь за канапляны пыл у кішэні, то трэба ж некуды іх дзяваць.

Справа Манько

Вось вам чарговы палітвязнеўскі кейс у беларускім стылі.
 
1. Чалавек займаецца прадпрымальніцтвам (стварыў таварыства), яшчэ ў 2016 годзе заняўся крыптавалютамі, нават выпусціў сваю (!)
2. Пачаў здымаць смелыя відэаролікі з жорсткай крытыкай мясцовых чыноўнікаў і ў асаблівасці мусароў. Некаторыя – па 30-40 тыс. праглядаў.
3. РАПТОЎНА аказаваецца што ён арганізатар фінансавай піраміды. Крымінальная справа, змяшчэнне ў СІЗА.
4. Чалавек галадае ў СІЗА ўжо 18 дзён, дазнаемся мы аб гэтым толькі ўчора.
 
Вось так бывае, праўда? Мне аднаму падаецца што трэба пашыраць крытэры таго, хто есць палітвязень? Бо з сённяшнімі беларускія ўлады навучыліся выдатна спраўляцца.
 
 

Алан Сміт аб’явіў галадоўку/ Alan Smith is on hunger strike

Брытанец Алан Сміт аб’явіў галадоўку у ПК-3. Найбольш верагодная прычына – сістэматычныя парушэнні ягоных правоў (пазбаўленне перапіскі, перадач, медычнай дапамогі)
________
British citizen Alan Smith is on hunger strike in a Belarusian prison in Vitebsk. The most likely reason is systematic abuses of his rights in this penal colony – depriving of correspondence, food parcels, and medical aid.

http://novychas.by/hramadstva/alan-smit-ab-javiu-haladouku

“Фарбы” ў Мінску, дубль тры

Учора з былым сукамернікам Алесем Кіркевічам адпрэзентавалі свае турэмныя творы. Для мяне гэта ўжо трэцяя прэзентацыя “Фарбаў” у Мінску. На гэты раз прэзентавалася цалкам беларускамоўнае выданне, зробленае Вясной. Дзякуй усім хто наведаў, і ўсім хто арганізаваў! Дзіяна Серадзюк выдатны рэпорт напісала – усё галоўнае схоплена.

https://novychas.by/hramadstva/turma-jak-arhanicznaja-czastka-belaruskaha-hramads