Забраўшы ў нас свабоду выказванняў на вуліцы дзяржава імкнецца забраць і свабоду слова ў Інтэрнэце. Для гэтага выкарыстоўваецца паліцэйска-прававая дубінка пад назвай “Рэспубліканскі спіс экстрэмісцкіх матэрыялаў”. У гэты спіс трапляюць кнігі, фільмы, сімвалы, абрэвіятуры і нават фразы, якія ўлада так ці інакш палічыла небяспечнымі для сябе.
Быць экстрэмістам на сёння – гэта значыць змагацца супраць хлусні, несправядлівых забаронаў, супраць святога права чалавека выказваць свае думкі ўслых.
Гэтая барацьба на сёння патрэбная нямногім. Аднак толькі адваяваўшы свабоду слова мы адваюем сабе ўсе астатнія правы і свабоды. Перш дамагаюцца права казаць беспакарана, а потым кажуць.
Каб дамагчыся гэтага права мы мусім распаўсюджваць тое, што дзяржава хоча забараніць. Казаць тое што нельга. Пісаць тое, чаго яны баяцца. Толькі так. Іншага шляху няма.
Хочаце стаць часткай супольнасці смелых і свабодных? Ці ўжо сталі? Дык скажыце гэта ўсім!
Вэрі лімітед эдішн. Діяметр – 5 см. Аддаю бясплатна.
Comments Off on #Яэкстрэміст – кампанія ў абарону свабоды слова ў Беларусі
Пасля нарады ў Лукашэнка міністр МУС Караеў заявіў, што ад сённяшняга дню міліцыя будзе больш уважлівая да зваротаў грамадзян адносна парушэнняў правоў чалавека, а таксама будзе больш адказна рэагаваць на публікацыі аб мянтоўскім бязмежжы ў СМІ. «У тым ліку і ў незалежных і апазіцыйных СМІ, бо аднекуль жа яны гэтыя матэрыялы бяруць і не ўсе яны прыдуманыя альбо паклёп».
Тое што міністр МУС, па-першае, прызнаў наяўнасць у Беларусі незалежных СМІ а па-другое, прызнаў пазітыўную ролю «апазіцыйных СМІ» у грамадстве гэта, канешне прэцэдэнт і дзіва. Я, праўда, не схільны шукаць у гэтым нейкую канспіралогію альбо «знакі». Хутчэй за ўсё сённяшні міністр проста не такі адбіты на ўсю галаву, як папярэдні, ды і, стоадсоткава, сам чытае Нехту, Белсат ці Свабоду. Аднак, канешне, вельмі забаўны момант: дэ-факта ён прызнаў, што дзяржаўныя СМІ, якія жывуць за грошы беларускіх падаткаплацельшчыкаў, не займаюцца асвятленнем праблемы міліцэйскіх злоўжыванняў. Затое імі займаюцца СМІ, якія жывуць за грошы падаткаплацельшчыкаў Еўразвязу. Цікава, ці рэфлексуе ён на гэтую тэму? Ці робіць з гэтага нейкія лагічныя высновы аб сутнасці рэжыму, якому ён служыць?
Ну ды ладна. Куды больш цікава, што тэма «паставім абарзеўшых ментоў на месца» усё актыўней педаліруецца прэзідэнтам. Правыя тыя, хто кажа, што гэта перадвыбарны піяр. Аднак важна і тое, чаму ў якасці перадвыбарнага перніку грамадству быў абраны менавіта гэты. Адказ просты, і яго яшчэ да мяне агучыў Шрайбман: на іншыя пернікі проста няма грошай. Папіццот ёсць на паперы, але не для большасці грамадзян Беларусі. ВУП не расце, новыя прадпрыемствы калі і адкрываюцца то толькі для таго каб выклікаць шал і пратэсты мясцовых жыхароў. У знешняй палітыцы пахвастацца няма чым: захоўваецца пагроза незалежнасці. Таму адзінае, што зараз можа выставіць Лукашэнка на свой электаральны прылавак гэта справядлівасць у дачыненні да «злых баяраў».
Ключавы момант тут у тым, што ўсе гэтыя захады былі і застануцца імітацыяй справядлівасці і прававой дзяржавы. Будзе шмат заяваў, дэкларацый, вылупленных вочаў і раздзьмутых вусоў на службовых нарадах. Будзе нават некалькі паказальных ахвяраў (як, напрыклад, капітан, якому далі 10 год за правакацыі па 328), але сутнасць сістэмы не зменіцца. Прычына простая: сістэма МУС, якая будзе дзейнічаць з улікам правоў чалавека і ў абмежаваных прававых рамках, не зможа выконваць карна-палітычныя функцыі, якія неабходныя для захавання рэжыму. Інакш кажучы, «добрая міліцыя» не зможа забяспечыць панаванне Лукашэнка і ягонай эліты, не зможа гарантаваць захавання ягонай маёмасці і прывілеяў. Яна будзе неэфектыўная ў тым, пад што затачвалася Лукашэнкам цягам многіх гадоў.
Адзіная добрая міліцыя – гэта неадасобленая ад народу дэцэнтралізаваная структура дабраахвотна узброеных людзей: празрыстая, падкантрольная, і таму адказная. Аднак гэта ўжо асобная тэма.
Comments Off on Міліцыя прыслухалася да апазіцыянераў?
З дапамогай ПЦ Вясна абскардзілі рашэнне аб прызнанні абрэвіятуры «АСАВ» экстрэмісцкай.
Калі вы не бачылі гэтае рашэнне суда Цэнтральнага раёну – ніякага абгрунтавання ў ім няма. Абрэвіятуру ўнеслі ў забаронены спіс проста таму, што яна не падабаецца ментам.
Вырашылі трошкі іх расшавяліць: хай не прымаюць як дадзенасць, што іхнія рашэнні заўсёды пралазяць неаспрэчанымі.
Аднак варта памятаць, што прававыя метады барацьбы ў аўтарытарнай дзяржаве, канешне, не самыя эфектыўныя. Самае эфектыўнае – прамое дзеянне. Таму далучайцеся да кампаніі #яэкстрэміст. Дысклеймер тут.
Comments Off on Экстрэмісты адукоўваюць вярхоўны суд
Самазваны лідар кампаніі ProtestBY Дзяніс Ціханенка ў разборках з пратэстным актывам запосціў тэкст, у якім прыгадваюцца анархісты. Я перачытаў некалькі разоў і не паверыў сваім вачам, настолькі напісанае было смешным і абсурдным. Гэты таварыш кажа, што анархістам ЗАПРЕЩАЕТСЯ ўдзельнічаць у мерапрыемстве ў масках. Гэта ён так вырашыў, ага.
Адразу акрэслю: я не ўдзельнічаю ў кампаніі PratestBY, і хутчэй за ўсё мяне не будзе на названым мітынгу (не таму што не падтрымліваю, а таму што заняты іншымі праектамі). Не ведаю нават ці будзе на гэтым мітынгу анарха-блок. Аднак тут той рэдкі выпадак калі я, бадай, магу сказаць за ўсіх анархістаў (чаго звычайна не раблю):
1. Дзяніс Ціханенка, анархісты не прасілі і не будуць прасіць у цябе дазволу апрануць маскі. І на тваё меркаванне ім пляваць. Таму тваё ЗАПРЕЩАЕТСЯ проста пазбаўлена сэнсу. Можаш акрамя капслока вылучыць яго тлустым курсівам – ад гэтага нічога не зменіцца.
2. Дзяніс Ціханенка, што ты будзеш рабіць, калі анархісты (у выпадку калі яны вырашаць наведаць мерапрыемства) усё ж апрануць маскі? Выганіш іх? Здасі міліцыі? Хацеў бы я на гэта паглядзець.
3. Дзяніс Ціханенка, анархісты не тыя людзі, якім ты будзеш нешта ўказваць. Калі ўжо яны не слухаюцца дзяржаву з усімі яе законамі, то цябе не паслухаюцца і падаўна. Не смяшы народ, Дзяніс Ціханенка.
Анархісты гэта людзі, якія не абмяжоўваюць свае дзеянні межамі закона, хаця б таму што гэтыя законы прыняты без усялякага іхняга ўдзелу а таксама служаць мэтам вузкай групы людзей. І плацяць за гэта высокую цану. Нашэнне масак для анархістаў – гэта сродак пазбегнуць дэананімізацыі, і як след, фактар асабістай бяспекі.
Асобна хачу адзначыць: пратэстны рух, які спрабуе дагадзіць дзяржаве, бяжыць наперадзе цягніку, пазбаўляючы сваіх удзельнікаў права на ананімнасць, права на непадпарадкаванне – вырачаны на здраду і дэградацыю. Тым больш у аўтарытарнай дзяржаве, дзе любы пратэст апрыёры пастаўлены па-за законам.
І варта памятаць: у Беларусі ж усе паспяховыя пратэсты былі заўсёды так ці інакш звязаныя з працяглым і прамым парушэннем закона (пратэсты супраць АКБ, дармаедскія пратэсты).
Любая дзяржава, маючы справу з нізавым пратэстным рухам першае што робіць гэта спрабуе падзялць яго па лініі “памяркоўныя-радыкалы”. І вось такія жэсты лаяльнасці з боку “лідараў” толькі спрыяюць падзелу. Далейшы сцэнар заўсёды адзіны: лідары ідуць на калабарацыю з уладай, асноўная маса атрымоўвае жалкую падачку, а самыя актыўныя адпраўляюцца ў топку рэпрэсій.
Таму раю Дзянісу не зарывацца і абраць, чаго ён усё ж-такі хоча ад жыцці: дапамагчы абудзіць народную актыўнасць ці заняць крэсла побач з Ганнай Канапацкай?
Зрэшты, не сумняюся, што актывісты самі разбяруцца, хто ёсць хто, і зробяць правільны выбар. Не дурні. Тым больш яны ж ужо неаднаразова лавілі Ціханенка на хлусні. Таму усім удзельнікам кампаніі – мае пажаданні стойкасці і мужнасці, а таксама заклік меней слухаць начальнікаў, болей раіцца між сабой. #вучобаважнейшая !
Comments Off on У кампаніі ProtestBY завёўся міліцыянер?
Ці змогуць абыякавыя да палітыкі людзі дэлегаваць свой голас?
Анархізм для сучаснай Беларусі – рэч новая, для многіх нязвычная. Дасканалай палітычнай тэорыі для сучаснага моманту ў нас няма. Як і падрабязнай праграмы дзеянняў. Аднак і адно і другое мы ствараем штодзень на месцах: праз сваю жывую дзейнасць і аналіз.
Ад навізны і радыкальнасці нашых прапановаў у людзей вылазяць дзясяткі пытанняў. Некаторыя – простыя і трывіяльныя, сто разоў ужо разабраныя. Некаторыя прымушаюць і нас прызадумацца.
Адказам на пытанні я прысвяціў цэлы плейліст на сваім ютуб-канале: Анархія Проста. І сёння адказваю на пятае пытанне ад падпісчыка: калі ў анархічным грамадстве будуць людзі, абыякавыя да палітыкі, ці змогуць яны дэлегаваць свой голас, ці ён проста не будзе ўлічвацца?
Для адказу на пытанне я найперш склаў схематычную мадэль прамой дэмакратыі (пабачыце ў відэа), якая будзе працаваць у анархічным грамадстве. Важна разумець, што гэта толькі адна з магчымых мадэляў (за прыклад узятыя саветы Сірыйскага Курдыстана), а не адзіны канон. Бо эгалітарныя сацыяльныя структуры такія ж жывыя і мнагагранныя, як само жыццё.
Чакаю вашыя пытанні і не забывайцеся падпісацца на канал!
Анархісцкі рух на сёння – адна з галоўных мішэняў спецслужбаў. Супраць яго стала дзейнічае цэлы аддзел ГУБАЗіКу, анархісцкія мерапрыемствы падаўляюцца з дапамогай СОБРу. Аднак так было не заўжды. Пачатак такой пільнай увагі быў пакладзены ў 2010 годзе, калі група “Сябры свабоды” спаліла аўтамабіль, які належаў расійскай амбасадзе – ды яшчэ на яе тэрыторыі.
Хутка пасля гэтага паследваў дыпламатычны скандал, указанне Лукашэнкі “разабрацца” і масштабная паліцэйская спецаперацыя супраць анархісцкага руху: вобшукі і арышты адбываліся па ўсей краіне. Крымінальная справа па выніку следства склала 10 тамоў.
Чытайце самы добры лонгрыд, які я калісь сустракаў на гэтую тэматыку. Падрабязны разбор, храналогія падзеяў, а таксама высновы, якія мы для сябе зрабілі. Усім палітычным актывістам гэтыя веды вельмі згадзяцца: гэта ўнікальны антырэпрэсіўны і арганізатарскі досвед нізавога рэвалюцыйнага руху.
Пра ўдзел у парламенцкіх “выбарах” ужо заявілі Еўрапейская Беларусь і Народная Грамада – тыя самыя, каго ў нас называюць “радыкаламі”.
Атрымоўваецца, з рухаў і арганізацый за байкот зараз будуць адны толькі анархісты?
Тое што за 25 год дыктатуры апазіцыя НІ РАЗУ не арганізавала салідарнага байкоту – выразнае тактычнае дасягненне Лукашэнкі.
Я ўсё разумею: трэба карыстаць легальную мачгымасць для агітацыі, юзаць выбары для сваіх мэтаў і блаблабла. Не разумею аднаго: навошта пасля гэтага казаць пра “злачынны рэжым”? Калі ты граеш са злачынцам па ягоных правілах – ты прызнаеш ягонае права ўсталёўваць гэтыя правілы.
Скажыце ўжо проста: мы за “realpolitk” і пофіг на мараль. Гэта будзе куды больш шчыра.
Nexta опубликовал фотки из очередной резиденции Лукашенко. Смотрю, и такое ощущение, что я их где-то уже видел. Потом понял: интерьеры поразительно похожи на резиденцию Януковича в Межигорье.
Почему дизайнерские вкусы шкловского вертухая и донбасского шапкокрада так похожи? Что их роднит? Общность менталитетов? Представления о том, что такое богатство? Комплекс неполноценности?
И кем эти полудеспоты-полужулики представляют себя, восседая царственными задницами на золоченых креслах? Египетскими фараонами? Римскими императорами? Стальными генералиссимусами? Этого мы не узнаем: чужая душа – потёмки. Эту тайну оба унесут с собой в могилу. Но прежде будут силой лишены всей этой блестящей мишуры. развенчаны, осуждены и преданы вечному презрению.
Рэспубліканскі спіс мусарскіх матэрыялаў набраў ужо больш за 1 тыс. Пралядаў. Такім чынам можна ўпэўнена казаць: план ГУБАЗіКа па дыскрэдытацыі анархісцкага руху ў інтэрнэце цалкам праваліўся.
Нагадаю, Рэспубліканскі спіс экстрэмісцкіх матэрыялаў – табліца з акаўнтамі, старонкамі і каналамі ў сацсетках і месенджерах, якія выкарыстоўваюцца супрацоўнікамі міліцыі для шпіёнскай і правакатарскай працы супраць актывістаў.
Сёння дададзеныя два акаўнты і адзін канал у тэлеграме.
Я стварыў гэты спіс у сакавіку 2019, і на сёння ў ім больш за 50 пазіцый. Праглядзіце, і калі нехта з іх калісь уступаў з вамі ў кантакт, абавязкова напішыце мне.
