Ад душы пасмяяўся, што са мной бывае рэдка пры праглядзе камедый. Вельмі шмат непаліткарэктнага гумару, дзіўна яшчэ што не забаранілі ў Еўропе.
kinopoisk.ru
Entries Tagged 'Аб усім' ↓
Дыктатар (The Dictator) 2012
October 1st, 2018 — Аб усім, Відэа, Гумар
Пракаментаваў для сайта палітвязні.інфо эпізод з вярбоўкай Бобрыка
September 27th, 2018 — Аб усім, Бягучыя навіны
Асноўнае:
0. Вербавалі яго хутчэй за ўсе не следчыя а КДБшнікі, і не важна, што гэта адбывалася ў будынку СК.
1. Кейс Бобрыка гэта толькі адна з многіх вярбовак, паспяховых і не, і аб якіх мы пакуль не ведаем. Думаю, працу праводзілі амаль з кожным з затрыманых, проста большасць маўчыць.
2. Вярбоўка журналістаў для стукацтва – толькі частка агульнай стратэгіі па пастаноўцы недзяржаўных СМІ пад кантроль. КДБ хоча, каб усе незалежныя СМІ былі як “Ежедневнік” і “Белгазета”.
3. Прэсынг СМІ – падрыхтоўка да магчымага сацыяльнага выбуху.
Больш разгорнута – па спасылцы.
Зямля і (ня)воля
September 25th, 2018 — Аб усім, Бягучыя навіны
Рух “За свабоду!” сёння прэзентаваў свой законапраект па змене зямельнага заканадаўства. Я схадзіў, папрысутнічаў – глядзіце рэпартаж ніжэй.
Што даведаўся:
– Маніпуляцыі з зямельнымі ўчасткамі – вялікі сектар прыбытку і ўзбагачэння для мясцовых начальнікаў.
– Дзяржаве прынцыпова важна мець вырашальны голас і фактычную ўласнасць на зямлю.
– Свабодная прыватызацыя зямлі падарве ўстоі аўтарытарнай дзяржавы, таму пры сенняшней уладзе дапушчаная не будзе.
Прачытаў і вам раю
September 22nd, 2018 — Аб усім, Прачытана
Чым боль знаёмлюся з міфалогіямі і рэлігіямі сусвету тым больш пераконваюся што ўспрымаць іх варта не як зборнік казак а як жывое сведчанне аб чалавечай гісторыі. Часам перакручанае, часткова фантазійнае, але ж сведчанне. Калі ў людзей не было кніжак, яны запісвалі інфармацыю ў міфах.
Увогуле класна, што апошнія 5-10 год выходзяць суперскія кніжкі аб беларускай гісторыі. Акрамя гэтых аўтараў хачу адзначыць А.Тараса і В.Дзяружынскага. Іх чытаць заўжды цікава.
А вось з прыкольнага. Парацэльс са сваім гамункулам адпачывае.
“Вобраз хатніка ў выгядзе змяі стаў крыніцай для ўзнікнення такога міфалагічнаха персанажа, як клетнік. Гэты незвычайны дамавік жыў у клеці (істопцы) і быў таксама падобны да вялізнага вужа, але меў вогненную прыроду; “увесь нібыта залаты, гарыць як агонь”. А крылы такога хатніка рабілі яго падобным на лятучага цмока. […] Але, каб у гаспадара з’явіўся такі памочнік, яго трэба было вывесці штучна. Працэс вырошчвання клетніка складаны. Спачатку гаспадар хаты павінен быў некалькі тыдняў выношваць у сябе пад пахай яйка сямігадовага чорнага пеўня. Пасля таго, як з яйка вылупівалася маленькае вужаня, яго было неабходна штодзень карміць несалёнай яешняй. У адваротным выпадку клетнік мог адпомсціць пажарам хаты”.
У ЗША могуць адмяніць конкурсы прыгажосці
September 22nd, 2018 — Аб усім, Бягучыя навіны
І гэта добра, бо такія конкурсы – нейкі перажытак прыгонных часоў. Сам факт таго што журы ацэньвае чалавека, як жывёлу на кірмашу, гэта абраза элементарнай годнасці. Гэта прыніжальна і абразліва, бо чалавека не варта звадзіць да ягонай знешнасці.
Акрамя таго, гэтыя конкурсы – навязванне стандартаў знешнасці, якія выгадныя індустрыі прыгажосці. Гэта мільярды долараў, заработаныя на жанчынах, якія імкнуцца ў гэтыя стандарты патрапіць.
Ды і неразумна спаборнічаць у тым што дадзена табе прыродай і што ты амаль ніяк не можаш палепшыць уласнымі высілкамі.
September 18th, 2018 — Аб усім, Палітыка
Тым часам у СІрыі ляснуўся чаргова расійскі самалёт, на борце якога было 14 чалавек. Увага: ён быў збіты супрацьпаветранай абаронай Асадітаў, якія спрабавалі адбіцца ад ізраільскага авіяналёта.
Добрага ранку!
ГУБАЗіК – узаконеная банда.
September 15th, 2018 — Аб усім, Бягучыя навіны
September 12th, 2018 — Аб усім, Бягучыя навіны
September 11th, 2018 — Аб усім
Паразважаў наконт апошніх пратэстаў у Расіі. Коратка: есць прызнакі таго, што бунт маладзёнаў будзе перарастаць межы і рамкі, усталяваныя яму Аляксеем Навальным.
September 10th, 2018 — Аб усім
