Entries Tagged 'Аналітыка' ↓

Мала хто заўважыў, але Брэст паставіў рэкорд па самай доўгай пратэстнай акцыі ў гісторыі незалежнай Беларусі. Падбіў ход і вынікі гэтай акцыі ў сваім арыткуле.

Некалькі дзён таму на ютубе з’явілася відэа “Беларусь в составе России? Соцопрос. Что белорусы думают об этом?”. І яно б, пэўна, прайшло міма маёй увагі, каб незалежніцкія рэсурсы не сталі яго актыўна піярыць, у тым ліку ў алармісцкім ключы: “СМОТРИТЕ ЧТО ДУМАЮТ ЛЮДИ, УЖАС, КУДА МЫ КАТИМСЯ!”. У выніку яно за 3 дні сабрало 1 млн 11 тыс праглядаў.

Відэа яўляе сабой апытанку на вуліцах Мінска, у якой людзі, асабліва моладзь, масава выказваецца ў падтрымку далучэння Беларусі да Расіі. Само відэа я тут намерана не стаўлю, каб не піярыць. Пакінем за дужкамі, што яно не мае нічога агульнага з сацыялогіяй. Галоўнае, яно з’яўляецца чарговым эпізодам інфармацыйнай вайны, якраз у тым стылі, пра які я пісаў раней. Гэтае відэа – не шчырая спроба разабрацца і нават не спроба другараднага ютубера хайпануць на гучнай тэме. Гэта мэтанакіраваная інфармацыйная аперацыя РФ. Абгрунтоўваю чаму:

1. Тэндэнцыйная падборка рэспандэнтаў. Стваральнікі імкнуліся паказаць, што людзі РОЗНЫХ узростаў – за аб’яднанне з РФ. Намерана пададзена некалькі галасоў супраць, каб не выглядала як яўны фэйк. Не, вядома, у Беларусі хапае ватнікаў. Але ніколі не паверу, што на вуліцах Мінска іх будзе так шмат. Агульнавядомы факт, што людзей саўковага складу болей у правінцыі. Дык вось, глядзіце на апытанку, якую зрабіў Андрэй Павук на вуліцах г.п. Акцябрскі . Нават там пераважная большасць – за незалежнасць. З чаго раптам у Мінску галасоў на карысць аб’яднання з РФ будзе болей, чым у Акцябрскім?

2. Сама пастаноўка пытання: “Далучыцца да Расіі лепей у палітычным ці эканамічным плане?” – апрыёры мае на ўвазе, што аб’яднанне нясе адразу НЕКАЛЬКІ станоўчых наступстваў, прытым у розных сферах.

3. Дробязь, але тым не меней. Звярнуў тэгі, якія прастаўленыя ў відэа: “#беларусь #россия #путин”. Пуцін. А чаму ж не Лукашэнка, калі відэа пра Беларусь і Расію?

4. У каментарыях – поўчышчы крэмлеботаў. Нават улічваючы правакацыйнасць відэа – ЗАНАДТА шмат праглядаў (для беларускага кантэнту 1,011 млн за 3 дні гэта нерэальная лічба). Відавочная накрутка альбо мэтанакіраваны піяр. І сапраўды, відэа хутка было раскідана па ватных форумах і пабліках. Лахтінскія тролі яўна былі адпраўленыя туды з метадычкай і заданнем.

5. І, зрэшты, звярнем увагу на сам канал, што за гэта запосціў. Каналу каля чатырох год. Абсалютна ўсе відэа да гэтага – забаўляльны кантэнт. Агляды на матацыклы, падарожжы, “Как КРУТО снимать видео на мобильный телефон”, “БЕШЕНЫЙ ДЕД МОРОЗ ДЕЛАЕТ ДВИЖ В ГОРОДЕ” і таму падобнае. І тут раптоўна аўтару канала, 22-гадоваму Степану Пракопчыку з Ліды, навучэнцу палітэхнічнага інстытуту ў Гданьску, робіцца вельмі цікавая вострапалітычная тэматыка.
Вы скажаце – ну, магчыма, хлопец вырашыў хайпануць, падняць сабе праглядаў на папулярнай тэме. Выдатна, але ж дзе ён быў, калі ішлі дармаедскія пратэсты, калі людзей хапалі за флэшмобы за гарадавога, калі ў Брэсце людзі выходзілі супраць акумулятарнага заводу? Сумяшчальныя – для беларускай аўдыторыі – падзеі. Аднак іх ён праігнараваў. Тэма ж уз’яднання з Расіяй яго “зацікавіла” менавіта зараз.

Што яшчэ больш цікава, пагугліўшы, знайшоў яго сумеснае відэа гэтага Пракопчыка (зробленае за 3 тыдні да апытанкі ў Беларусі) з іншым трэвэл-влогерам. Удвох яны ходзяць па вуліцах Гданьску і пытаюцца палякаў, што тыя думаюць аб украінцах. Пры гэтым задаючы правакатыўныя пытанні і падбіраючы максімальна вострыя адказы. Дзіўна, яшчэ адзін трэвэл-блогер, які РАПТОЎНА зацікавіўся палітыкай! Адзначу, гэтая правакацыя таксама была названая словам “соцопрос”.
Для тых хто не ў тэме, паясню: ўяўная “варажнеча” палякаў і украінцаў – адна з любімых тэмаў ватнай прапаганды. Воінаў гібрыднага фронту ўжо не раз лавілі на правакацыях з мэтай распаліць межнацыянальную нянавісць у гэтым напрамку.

Сумуючы ўсе вышэй сказанае, што бачу я: крэмлёўскія паліттэхнолагі, у рамках інфармацыйнай вайны падкацілі да другараднага відэаблогера з прапановай, ад якой ён не змог адмовіцца. Зрабі тое і тое. У нас свой інтарэс, а табе – хайп, падпісчыкі і грошы. Мэта – трымаць ідэю “уз’яднання” у фокусе грамадскай думкі, працягваць прапіхіваць міф аб тым што бОльшая частка беларусаў гэтага жадае.

Самае кепскае што кручок праглынулі незалежныя СМІ. Таму будзьце ўважлівыя, захоўвайце спакой і памятайце, што лёс Беларусі ў рэшце рэшт вырашае не пуцін і лука, а мы самі.

Пакуль многія чакаюць вайны рэальнай, стала відавочным, што вайна інфармацыйная ўжо пачалася. Ейныя жаўнеры з таго боку – пуцінскія кремлеботы, якія ўжо працуюць ва ўсю, у тым ліку і на пляцоўках незалежных медыя. Як думаеце, якую метадычку ім далі? Хваліць Пуціна? Апеляваць да “памяти дедов”? Не, ўсе больш тонка. Наратыў такі: “незалежнасць ужо здадзеная, ніхто за яе змагацца не будзе! Беларусы не украінцы! Няма барацьбітаў! Лука ўсё прасраў, Расія пры дзвярах! Зваліваем у Польшчу, змагары!”. І яны пішуць гэта ад імя саміх жа беларусаў.

Аналагічны пасыл зараз транслюецца па расійскіх СМІ.

Мэта: выклікаць у нас пачуццё безвыходнасці, прымусіць паверыць, што за незалежнасць Беларусі змагацца няма каму. І, паколькі беларускі народ дэлегаваў права абараняць незалежнасць Луке, Лука яе паспяхова здаў. І ўжо нічога не зробіш, рыхтуйцеся жыць у новай краіне!

То бок нас проста ставяць перад фактам.

Аднак не будзем забывацца: акрамя прарасійскіх МУС і КДБ, акрамя Вакульчыка і Ігара “Дзіравага” Шуневіча існуем яшчэ мы. І мы не збіраемся аддаваць свой лёс у рукі Лукі ці ягоных прыхвастняў. І сваё права вырашаць мы ім не дэлегавалі.

Калі ж я ўсе ж такі памыляюся, і частка тых, хто такое піша – не боты, а сапраўдныя людзі, то я вас прашу, пазакрывайце свае раты. Баіцеся? Бойцеся моўчкі а не сейце паніку ў інтарэсах Пуціна. Усіх астатніх жа заклікаю кремлеботаў баніць бязлітасна, а разам з імі і тых, хто пхае нам ідэю “без Лукашэнкі не будзе суверенітэту”.

А ўвогуле, з Новым Годам.

Людзі дыктатарскага складу ўвогуле схільныя да гамасексуальна-гвалтоўных алегорый. Але дзеячаў постсавецкай прасторы ў апошні час проста прарвала. То Лукашэнка са сваім вечным “нахіліць”, то Кадыраў абяцаў “увесь свет ракам паставіць”. Зараз і Шуневіч з ягонымі дзіравымі. Што гэта – плод доўгага знаходжання ў мужчынскім калектыве? Ці латэнтная гомасексуальнасць? Зрабіце ўжо камінг-аўт, дваццаць першае стагоддзя на двары ўсё ж.

Шуневіч тыпу выкруціўся са сваёй заявай, каб зусім грубіянам не выглядаць. Тыпу не пра геяў. Але намёк усе зразумелі.

З іншага боку тэрміналогія, якую юзае Шуневіч як нельга лепей кажа аб тым, у якой светапогляднай парадыгме ён жыве. “Пахан-апушчаны”, “блатной-петух” – гэта ягоная карціна свету. Я заўсёды казаў – менты і бандыты жывуць па адных і тых жа катэгорыях. Вось вазьмі замест Шуневіча якога-небудзь Батона з 12-га атраду, апрані ў форму з пагонамі, прывучы казаць “закон” замест “понятія” (а гэты кантынгент хутка вучыцца, паверце) – розніцы амаль ніхто не заўважыць. А гэта значыць што ні аб якой легітымнасці ментоў і ўсёй іхняй сістэмы казаць не прыходзіцца. Гэта проста пераапранутыя бандыты.

п.с. і яшчэ падумалася, што ніхто лепей не падыходзіць на пасаду прарасійсай замены Лукашэнкі, чым Шуневіч. Магчыма, з ім ужо пачалі працаваць у гэтым напрамку. А пастаянныя публічныя заявы – сродак прыцягнуць да сябе ўвагу і стаць медыйнай персонай. І пакуль гэта ў яго атрымоўваецца.

#radixbel
#яэкстрэміст
#яэкстремист

Завядзеннем другой адміністрацыйнай справы за “дэманстрацыю нацысцкай сімволікі” яны перапоўнілі мой кубак цярпення. Прыйшлося расказаць усю праўду: МУС РБ проста па факту сваёй дзейнасці і поглядаў яе супрацоўнікаў адпавядае амаль усім фармальным рысам нацысцкай арганізацыі. Гэта не мастацкая метафара і не журналісцкая гіпербала: усё раскладзена па паліцах. Глядзіце самі. Працягласць – 11 хвілін.

Вывад амерыканскіх войскаў з Сірыі – не проста чарговып папулісцкі ход Трампа. Гэта драматычны крок, які цалкам зменіць сітуацыю на Бліжнім усходзе. А яшчэ гэта ўрок для нас, беларусаў. Напісаў аб гэтым артыкул.

Учора ў другім чытанні быў адменены знаменіты і самы дэманстратыўны палітычны артыкул КК – 193.1, які мае на ўвазе крымінальную адказнасць за дзейнасць ад імя любой незарэгістраванай арганізацыі. Памятаю, калі яго прымалі, быў вялікі хайп – фактычна на 2 гады можна было пасадзіць за сяброўства, напрыклад, ў суполцы аматараў кактусаў.

Па факце ж, прымяняўся ён вельмі выбарачна. Больш за тое, вазьму на сябе смеласць заявіць, што ён і пісаўся пад пэўных людзей. Такіх як Зміцер Дашкевіч і шэраг іншых. Іх пасадзілі – артыкул амаль перастаў выкарыстоўвацца.

Прыбіранне гэтага артыкулу з КК магло б стаць нагодай для радасці, калі б не штогадовае ўзмацненне антыэкстрэмісцкага заканадаўства і шэраг іншых навінак. У 2016-м годзе быў прыняты такі “выдатны” артыкул, як 361-1 “Стварэнне экстрэмісцкай супольнасці” (да дзесяці год), і ён, без усялякага сумневу, таксама пісаўся пад пэўныя палітычныя групоўкі, у прыватнасці пад анархістаў. А яшчэ есць арт.361 “Заклікі да дзеянняў, накіраваных на шкоду нацыянальнай бяспецы Рэспублікі Беларусь” – з ВЕЛЬМІ расплывістымі фармулёўкамі (любы заклік да пратэстаў пад яго падвесці – две секунды). Яшчэ есць арт.361-2 “Фінансаванне экстрэмісцкага фарміравання”, 369-1 “Дыскрэдытацыя Рэспублікі Беларусь”, 369-3 “Нарушение порядка организации или проведения массовых мероприятий” і многія іншыя. Іх таксама прытрымліваюць да лепшых часоў – пакуль не падымецца чарговая хваля народнага гневу.
А яшчэ ж прыдумалі артыкул пра “Рэабілітацыю нацызма” – то бок варта разумець, будуць саджаць, калі адзначыш гераізм УПА ці напішаш аб зверствах чырвоных?

Выдаленне ж 193-1 з КК будзе, безумоўна, прадстаўлена “заходнім партнерам” як вялізарны шлях па дарозе да дэмакратыі, фантастычная саступка “эцім вашім правам человека”, каласальная лібералізацыя грамадскага жыцця і ўвоугле дайце грошай пажалуста.

193-1 быў самым адметна і бясспрэчна палітычным артыкулам у КК, прыдрацца да якога было вельмі проста праваабаронцам і замежнікам, якіх турбуюць правы чалавека ў Беларусі. Што яны і рабілі. Прыбіраючы такія артыкулы дзяржава пакідае сабе магчымасць казаць: а вось, глядзіце, ў іншых краінах усё тое ж самае ёсць! А ў еўрапейскіх краінах сапраўды есць артыкулы за сяброўства ў арганізацыях, чые метады не выключаюць гвалт.

Карацей, чым больш доўжыцца дыктатура тым больш дасканалыя яе метады пускання пылу ў вочы замежнікам.

Дарэчы, сам артыкул не зусім каб адмяняецца, а пераводзіцца з крымінальнага кодексу ў адміністрацыйны. І трэнд апошніх гадоў такі, што ў рамках адміністрацыйнага працэсу прэсуюць людзей не горш чым па крыміналцы. Вобшук? Калі ласка (назавем “агляд” і ўсяго дзялоў!). Затрыманне АМАПаўцамі пад домам? Калі ласка. Выламыванне дзвярэй у кватэру? Калі ласка. І ніякіх крыміналак заводзіць ня трэба. То бок фактычнага зніжэння рэпрэсій дзякуючы адмене гэтага артыкула не адбудзецца. Проста ўсё тое ж самае будзе і далей рабіцца але ўжо пад троху іншым прававым дахам.

Таму, спадары экстрэмісты, радавацца няма чаму. Трэба разлічваць толькі на ўласныя сілы і быць гатовымі пакутваць за свае перакананні.

Фейсбук пачаў блакіраваць пасты ў Расіі па рашэнню суда. Той жа фэйсбук згадзіўся ўвадзіць цэнзуру па кітайскіх законах. Ютуб ужо даўно выдаляе відэа па патрабаванню расійскага ўраду.

Карпаратыўныя медыя-пляцоўкі ўсе часцей супрацоўнічаюць з аўтарытарнымі краінамі.

У Беларусі ўводзяцца ўсе новыя законы аб эктрэмізме, ўзмацняецца адказнасць за распаўсюд забароненага кантэнту. Але як казаў адзін вусаты чалавек, “нам нужно работать на опережение”.

На дадзены момант я выпусціў чатыры аналітычных відэа. Тэматыка: сацыял-рэвалюцыйная аналітыка, анархізм, тэхналогіі рэпрэсіі, люты экстрэмізм. Пакуль нідзе не блочаць, але ўсе магчыма. Таму ўсе хто лічыць маю інфу вартай каб падзяліцца: спампоўвайце файлы і захоўвайце сабе. Залівайце сябрам на флэшкі, дадавайце на торент-трэкеры. Перакідвайце па месенджерах, расшарвайце на ў лакальных сетках. Пакуль кантроль не стаў татальным, у нашых сілах ускладніць яго.

Экстрэмізм у Беларусі

Як працуюць спецслужбы

Банда ва ўладзе (чаму беларуская ўлада нелегітымная)

Чаму я раблю відэа на беларускай мове

У прынцыпе, хлусіць для мента – як дыхаць. Але тут хлусня была публічнай, на шматміліённую аўдыторыю, таму вартая каментару.

Хлусня нумар раз. “Это я придумал идею с извинением перед памятником, Явчар ушел по выслуге лет».

Па-першае: я ніколі не паверу, што Шуневічу дакладваюць пра кожны шлепок па попе ці па чымсьці яшчэ ягонага улюбёнага гарадавога. Нават у нашай шызафрэнічнай краіне гэта – не ўзровень міністра. Па-другое, я не паверу што нават калі б дакладалі, Шуневіч займаўся бы распрацоўкамі геніяльнага плана помсты. У сферы медыяў ён увогуле ня моцны і наўрацці здольны нешта выдумаць. У-трэціх, калі звольніўся па выслузе год – чаму раптоўна зараз? Чаму не месяцам раней, не месяцам пазней? Зрэшты чацьверты пункт: моцная матывацыя Шуневіча давесці да грамадскасці: “вы тут не прычым ён сам сышоў!”. Бо ён, як сапраўдны дэспат і садыст, не можа ўявіць, што грамадская думка і СМІ ў гэтай краіне могуць на нешта ўплываць насуперак ягонай волі. Ён ненавідзіць незалежныя СМІ. Ён ненавідзіць Інтэрнэт. Ён ненавідзіць сацсеткі. І яму вельмі важна – падкрэсліваю, ВЕЛЬМІ ВАЖНА зрабіць так, каб мы не адчулі сваю моц. Адсюль гэтае: “Да, это была моя идея! А вы там что себе уже возомнили!” Адтуль гэтае хамскае “затем”. Бо калі б гэта была ягоная ідэя – ён бы знайшоўся што адказаць акрамя гэтага “затем”.

Хлусня нумар два. “У Беларусі 3000 нацыстаў. 302 удзельніка і лідара нацыстаў былі прыцягнутыя да адказнасці за апошнія 2 гады”.

Гэта проста такое фантастычнае трызненне, што нават цяжка каментаваць. Але трэба. Дык вось скажу вам як палітычны актывіст з 15-гадовым стажам (прабачце нявольнае самахвальства). Калі б у Беларусі было 3000 актыўных нацыстаў (на 9,5 млн насельніцтва), мы былі б самай неанацысцкай краінай у свеце, пакінуўшы далёка ззаду Румынію, Польшчу, Украіну. Вы разумееце, што такое 3000 актывістаў у любой партыі\арганізацыі\руху? Гэта каласальная сіла. НІ АДНА беларуская палітычная група на сённяшні момант не мае столькі. БНФ, АГП, анархісты – ня маюць. Калі б любая апазіцыйная група мела 3000 актывістаў, лукашысцкая сістэма ўжо б, як мінімум, трашчала па швах. Але гэтага не адбываецца.

Я памятаю яшчэ канец 1990-х пачатак 2000-х, калі субкультурных нацыкаў было сапраўды шмат. У буйных гарадах было ад 50 да 300, па самых шырокіх адзнаках, актыўных дзеячаў нацы-скінехд субкультуры. Нават разам па Беларуси гэта ледзь дацягвае да тысячы. Аднак тады кожны раз выйдзеш на вуліцу – бачыш “па моде” апранутага фашыка, на сценах – свастыкі і вайт пауэр ўсялякія, на слупах налепкі. Групамі па 20-30 чалавек тусаваліся ў парках, ля крамаў, залівалі свае нацыянал-сацыялістычныя лычы арыйскім Крыжачком. Зараз, няцяжка заўважыць, нічога гэтага няма. А нам ўпарваюць за тры тысячы.

Адкуль жа ўзяліся гэтыя тры тысячы? Па дакумантах, цалкам веру, яны ёсць. Па-першае, у нацысты аўтаматам запісваюць літаральна ўсіх футбольных фанатаў. якіх за апошнія 2 гады сапраўды ідэнтыфікавалі і пасадзілі сапраўды дастаткова. Па-другое – усіх асуджаных па 17.11. Такіях як Влад Середа з Гародні, які быў асуджаны за публікацыю свастыкі, выкінутай у сметніцу. Альбо такіх як я – за пасты з крытыкай нацызму. Такіх, хто па-дурасці ці з-за мімалётнага захаплення захаваў у сябе ў ВК нейкую нацысцкую фігню, забыў пра гэта, а праз 2 ці 3 гады да яго ў дзверы пагрукаліся. Па-трэцяе далёка не ўсе выпадкі даходзяць да праваабаронцаў. Можна не сумнявацца, мноства людзей штрафуюць і саджаюць за неіснуючы нацызм, а мы аб гэтым не ведаем.

Астатні палёт фантазіі: пра нацызм, які ідзе да нас з Захаду, пра “нравственные ценності” нават не буду каментаваць. Гэта проста плыня славеснага лайна, разлічаная нават не ведаю на каго. Праўда эмацыйна не магу ўстрымацца: як ты, хлус і крывадушнік, можаш увогуле адкрываць свой рот пра нейкія каштоўнасці, калі апранаешся ў форму забойцы і ганарышся гэтым? Як табе не сорамна гэтым ротам вымаўляць такія словы?

“В интернете распространяются псевдоисторические публикации, искажающие события прошлого, оправдывающие нацистских преступников и их пособников. Европа – источник нацизма и неонацизма, поскольку и извращение результатов Великой Отечественной войны идет именно оттуда”.

Разбору гэтых псеўдамаральных вычварэнняў я б можа і прысвяціў час, але не маю упэўненасці, што ён сам верыць у тое, што кажа. Магчыма гэта проста чарговая мімікрыя пад тренд і думку свайго Пахана, што для “государевых людей” ёсць норма.

Праўда, маецца думка, што пад выбары новай нагодай для “закручвання гаек” зробяць неіснуючых нацыстаў, але яшчэ паглядзім. Калі тэндэнцыя пацвердзіцца – я аб гэтым напішу.

Ён ня вечны. Зло ня вечнае. Змагаемся далей.

Перад пачаткам акцыі пратэсту прэвентыўна затрымана 300 чалавек. Трыццаць змешчаныя ў ізалятар. На вуліцах – спецтэхніка, паліцыянты ўжываюць сілу, збіваюць людзей.

Беларусь? Не, Францыя. Гэта адбылося сёння, перад пачаткам пратэсту “жоўтых камізэлек”.

Увесь ліберальны лоск, размовы пра правы чалавека і вяршынства права злятаюць у лічаныя секунды, калі гаворка ідзе аб канкрэтнай пагрозе для кіруючага класу. Яны не хочуць уступаць сваю ўладу. Яны не дазваляюць змяніць правілы гульні.

Якраз аб гэтым я казаў у адным са сваіх аналітычных відэа. Паглядзіце, калі яшчэ не бачылі.