Крык душы падпісанта: добрая ідэя для італьянскае забастоўкі

Дарэчы, пра яе я раней зняў цэлае відэа.

Я ўжо 2 месяцы паўтараю пра 100% законны спосаб адкосу ад працы па БНіП (будаўнічыя нормы і правіла) шляхам набыцця псіхаметра ВІТ-1 і кантроля тэмпературы і вільготнасці на працоўным месцы, але ніхто не ўспрымае гэту інфармацыю сур’ёзна.

Глядзіце, у Мінінстэрстве сельскай гаспадаркі і харчавання нядаўна быў пажар. Прычына: каратнуў аліўны абагравальнік.

Карыстанне электраабагравальнікамі на працоўным месцы забаронена, але кіраўнікі дзяржаўных установаў на гэта заплюшчваюць вочы і нават аплочваюць цэнтралізаваную закупку абагравальнікаў, бо цэнтральнае абаграванне даражэйшае за электрычнае абаграванне працоўнага месца.

Дастаткова строга выконваць БНіП і перад працадаўцам дзяржаўнай установы паўстане выбар: або спустошыцца на аплату цэнтральнага абагравання, або аплочваць недапрацаваныя працаўнікамі гадзіны.

Чаму менавіта ВІТ-1? Бо шкала пасуе для вымярэння тэмпературы ў памяшканнях, ён каштуе 20 рублёў, і, самае галоўнае, у яго ёсць пашпарт калібравання, то бок яго паказанні дакладныя з мінімальнай хібнасцю. Пры сядзячай працы (тэмпература паветра ў памяшканні і працягласць працоўнага дня):

20 градусаў – 8 гадзінаў
19 градусаў – 7 гадзінаў
18 градусаў – 6 гадзінаў
17 градусаў – 5 гадзінаў
16 градусаў – 4 гадзіны
15 градусаў – 3 гадзіны (законная падстава для забастоўкі згодна з ПК РБ)
14 градусаў – 2 гадзіны
13 градусаў – 1 гадзіна
Меней – нявыхад на працу