У гэтыя дні так закруціўся, што ледзь не забыў падпісаць навагоднія паштоўкі вязням

Нечакана для сябе зразумеў і парадаваўся таму што гэтым разам трэба віншаваць меней беларускіх палітвязняў, чым у папярэдніх. На свабоду ў 2019 выйшлі антыфашысты Арцём Кацаў, Андрэй Грабовік, анархіст Зміцер Паліенка а таксама абменены на сепараў украінскі палітвязень Аляксандр Кольчанка.

Аднак сеў мінскі анархіст Мікіта Емельянаў – і яму ўжо тры месяцы не прапускаюць увогуле ніякія лісты.

У 2020-м годзе на свабоду, адсядзеўшы 9 з лішнім год, выходіць асуджаны па справе АБТО расійскі палітвязень Іван Асташын. Наш Святаслаў Барановіч. Міхаілу Жамчужнаму сядзець яшчэ да 2021-га. Прытым што апошнія 2,5 год ён у адзіночнай камеры.

Акрамя палітычных, рэгулярна пішу і “звычайным” вязням – маім сябрам, знаёмым і былым сукамернікам. Ім яшчэ сядзець і сядзець. У большасці – вялізныя тэрміны. Пра іх, вядома, не напішуць праваабаронцы і незалежная прэса. Аднак гэтым людзям, як і ўсім астатнім, трэба троху цеплыні і увагі.

 

0 comments ↓

There are no comments yet...Kick things off by filling out the form below.

Leave a Comment