Беларускіх падлеткаў ахапіла новая, раней невядомая навала – сніфінг, піша НН. То бок нішто іншае як нюханне газу з запальнічкі ў надзеі злавіць кораткачасовы кайф.
Гэтая таксікаманская практыка настолькі ўнікальная і наватарская што ажыццяўлялася ў маёй школе ў Гомелі яшчэ гадоў 20 таму. Сапраўды, чаму б у пагоні за клікамі не назваць нешта даўно вядомае модным ангельскім словам і зрабіць выгляд што ты знайшоў сенсацыю.
Чакаю ад НН цыкл артыкулаў пра іншыя шкодныя з’явы сярод падлеткаў, якія з’явіліся толькі ў 2019 годзе: канфлікцінг (сваркі з бацькамі), канстракшн-эксплорынг (шастанне па будоўлі), ёрлі-факінг (раннія палавыя сувязі) і г.д.
