#яэкстрэміст #яэкстремист
Глеба Рубанава выпусцілі, пратрымаўшы 30 гадзін у на Акрэсціна. Затрыманні людзей за карцінкі і пасты ў інтэрнэце ні да чаго не прывядуць акрамя радыкалізацыі сумленных людзей. Выпадак, аднак, нешараговы, і наводзіць на думку аб тым, што ў справу адназначна ўмяшаўся ГУБАЗіК. Звычайныя РАУСаўскія менты дакладна не будуць муціць такую спецаперацыю: падманныя званкі ў 4.30 ранку і засады ў двары.
Быў план. Менавіта супраць Глеба. І вось чаго яны хацелі ім дабіцца:
1. Запужаць ЗВЫЧАЙНЫХ людзей. Вядома, што з актывістамі запужванне не працуе. Трэба было паказаць, што за рэпост можа “прыляцець” – ажно да затрымання – таму хто не з’яўляецца ніякім актывістам, а проста вырашыў падтрымаць флэшмоб.
2. Зрабіць максімум стрэсу Глебу і яго сям’і (у іх маленькае дзіцё). Начны званок, раптоўнае затрыманне, больш за суткі ў няпэўнасці… Карацей, стварыць такую непрыемную сітуацыю, каб чалавек потым баяўся ў інтэрнэце лішняе слова ляпнуць.
3. Вядомая тактыка для таго, каб разбураць салідарнасць у супольнасцях: караць супорцера больш жорстка, чым арганізатара. Тыпу: “ты сядзіш а ў яго ўсё добра. Кашу заварыў ён а ты расхлебывай”. Праходзілі, ведаем 🙂
А падрабязней пра прыгоды Глеба чытайце тут: http://bit.ly/2PYdJqQ
